Politika -
Presoen aldeko pankartak
Ikerketa abian, Donostiako danborradan jarritako pankartak direla eta
Carlos Urquijo Gobernuak EAEn duen ordezkariak esan duenez, Donostiako danborradan pankartak jarri zituztenen aurka edota pankartak jartzea ahalbidetu zutenen kontra auzitara jotzea aztertuko dute.
Erredakzioa
Donostiako danborrada dela eta, Konstituzio plaza ETAko presoen eskubideak errespetatzea aldarrikatzen zuten pankartaz josita agertu zen bart, eta Espainiako Gobernuak gertatutako ikertzea aginduko du.
Carlos Urquijo Espainiako Gobernuak EAEn duen ordezkarik gaur iragarri duenez, presoen aldeko "pankartak jarri zituztenak edota pankarta horiek jartzea ahalbidetu zutenak" auzitara eramatea aztertuko dute.
Danborrada hasi baino ordu batzuk lehenago, Juan Karlos Izagirre (Bildu) Donostiako alkateak adierazi zuen bere iritzian horrelako ekitaldietan presoen aldeko aldarrikapenak egitea "zilegia" dela, baina, era berean, ezinbestekotzat jo zuen aldarrikapen horiek "errespetuz egitea".
Urquijoren arabera, "ikuspuntu politiko batetik terrorismoa goratu zela esan daiteke eta auzitara jotzeko oinarrik dagoen ala ez aztertuko dugu".
ETAk indarkeria behin betiko uztea erabaki zuenetik aro politiko bat ireki bada ere, "batzuk estrategia zaharrekin" jarraitzen dutela kritikatu du.
