20 urteko eskaera, Gorka Landabururi eraso egitea leporatuta

Patxi Xabier Makazaga Azurmendi, 'Ander', eta Oskarbi Jauregui Amundarain ETAko ustezko kideei 20 urteko espetxe-zigorra ezartzea eskatu du Luis Barroso Auzitegi Nazionaleko fiskalak, Gorka Landaburu kazetariari eraso egitea leporatuta. Izan ere, Landaburuk lehergailuak zeramatzan pakete bat jaso zuen eta eztanda egin ostean, eskuko lau atzamar galdu zituen.

Ministerio Publikoko ordezkariaren akusazio helegitearen arabera, akusatuak 'Buruntza' ETAko taldeko kideak dira. Fiskalak hilketa terrorista delitu bat eta lehergailuak edukitzea eta garraiotzea egotzi dizkie. Halaber, ustezko erasotzaileak datozen bost urteetan Landaburun bizi den Zarautz herrialdera bueltatzeko debekua ezartzea eskatu du fiskalak.

Gertaerak 2001ko maiatzaren 15ean jazo ziren, kazetariak Elkarri aldizkaria zirudien pakete bat etxean jaso zuenean. Paketeak 50 eta 100 gramoren arteko dinamita zeraman eta eztanda egin ostean, Landaburuk zauriak jaso zituen eskuan, aurpegian eta sabelean. Ia urtebete batean, kazetariari bost ebakuntza egin behar izan zizkioten eta lanerako ezintasun orokorra eman zioten.