Itxi

2021/09/18

13:18

Politika

ARRASATEKO EKITALDIAK

Arrasaten deituta dauden ekitaldiak "bakean" eta "elkar oztopatu gabe" egitea eskatu du Erkorekak

EITB MEDIA

Segurtasun sailburuak jakitera eman duenez, Ertzaintzak dispositibo berezia du martxan goizean goizetik Arrasaten.

  • Josu Erkoreka, consejero de Seguridad, en Arkaute. Argazkia: EITB Media.

    Josu Erkoreka, consejero de Seguridad, en Arkaute. Argazkia: EITB Media.

  • Whatsapp
  • Whatsapp
  • Telegram
  • Bidali

Soka luzea ekarri du Sarek gaurko Arrasaten deitu zuen elkartasun martxak. Antolatzaileen arabera, euskal presoak, tartean Henri Parot ETAko kide ohia, "biziarteko espetxera" zigortzen dituen  7/2003 legea salatzea zuen xede ekimenak, baina sortutako anabasaren ondoren, ekimena bertan behera uztea erabaki zuten. Horren ordez, Euskal Herri osoko plazetan bilkurak deitu ditu presoen eskubideen aldeko plataformak. Eta bestalde, VOX eta PP alderdiek ekitaldi bana antolatu dute Arrasaten bertan, Paroten biktimak omentzeko. 

Egoera horren aurrean, eta "istiluak ekiditeko", Ertzaintzak dispositibo berezia jarri duela martxan jakinarazi du Josu Erkoreka Eusko Jaurlaritzako Segurtasun sailburuak. Horren hitzetan, "ekitaldi guztiak askatasun osoz egikaritzea"  da dispositiboaren helburua.  "Ekimenak bakean eta elkarri oztoporik jarri gabe" egin daitezela eskatu du.

Arkautin goizean egin den ekitaldi batean egin ditu adierazpenok Erkorekak. Bertan emandako informazioaren arabera, gai honekin zerikusia duten 33 ekitaldi daude deituta "ofizialki" Euskal Herrian.

 

  • Bisitatuena

      Kargatzen ikusiena
      Kargatzen ikusiena
    ;