Politika -
Erreakzioak
Rajoyk ez ditu Sarkozyk presoen inguruan esandakoak komentatuko
Espainiako presidentearen arabera, ETA desagertzea da giltza, "hor dagoen bitartean, zailagoa" baita neurriak hartzea.
Erredakzioa
Mariano Rajoy Espainiako Gobernuko presidenteak ez ditu Nicolas Sarkozy Frantziako presidenteak ETAko presoei buruz egindako adierazpenak komentatu nahi izan, eta ETA desagertzeko zain dagoela azpimarratu du.
Sarkozyk atzo esan zuen ETAko presoak hurbiltzearen alde zegoela, hori izango litzateleela "desiragarriena". Bruselan izan den Europako Kontseiluaren bileraren ondoren galdetu diote Rajoyri adierazpen horien inguruan.
Gobernuko presidenteak esan du ez dituela besteen adierazpenak komentatzen eta Espainiako Gobernuak baduela terrorismoaren kontrako politika.
Rajoyrentzat ETA desagertzea da giltza, "hor dagoen bitartean, zailagoa" baita neurriak hartzea.
