Macron da faborito inkestetan, % 25eko babesarekin

Emmanuel Macron Frantziako Gobernuko presidentea da herritarren artean babes zabalena (% 25ekoa) jasoko duen hautagaia, gaur argitaratutako inkestaren arabera, eta bigarren lekuan Eric Zemmour ultraeskuindarra (% 16,5-18ko boto-asmoa) legoke.

Zemmourren atzetik, oso gertu, Marine Le Pen eskuin muturreko hautagaia legoke (% 16-18), LCI telebista kateak eta Le Figaro egunkariak argitaratu duten Ifop-Fiducialen inkestan agertzen denez.

Litekeena da Xavier Bertrand izatea errepublikano kontserbadoreen hautagaia (abenduan izango dira primarioak), eta laugarren postuan dago, % 13ko babesarekin. Ondoren geratuko lirateke Jean-Luc Melenchon Frantzia Intsumisoaren hautagaia (% 8,3) eta Anne Hidalgo Alderdi Sozialista historikoaren hautagaia (% 10).

Frantziako Presidentetzarako hauteskundeen lehenengo itzulia apirilaren 10ean izango da, eta bigarrena, bi aste geroago.