ETAko presoen senideak Nafarroako Parlamentuan izan dira

Etxerat elkarteko kideak Nafarroako Parlamentura joan dira gaur euskal presoen egoerari buruz eta espetxe politikaz hitz egitera. UPN eta PP ez dira saiora azaldu, agerraldiarekin ados ez zeudelako.

Agerraldia Bilbuk gonbidatuta egin dute, baina UPN eta PP agerraldiaren aurka agertu dira eta horregatik ez dira joan. Bilduk eta NaBaik agerraldian ez izatea gaitzetsi dute, eta I-E alderdiak agerraldian egon ez izana deitoratu du.

PPNk agiri baten bidez azaldu duenez, "bi hilketa egin dituen pertsona batek (Gloria Recarteren agerraldiaren harira) ETAko presoen arazoei buruz hitz egiteko gonbidatzea biktimei iseka egitea da".

Etxerateko kideak egungo espetxe politikak presoengan eta beren senideengan dituen ondorioez mintzatu dira.

Halaber, presoen sakabanatzea, bakartzea eta zigorren luzapenak salatu dituzte. Era berean, gaixorik dauden presoen egoera salatu dute.

Bakartxo Ruiz Bilduko eledunak UPNren eta PPren jokabidea salatu, eta bat egin du Etxerateko ordezkarien azalpenekin. "Ez da logikoa Nagore Laffageren hiltzailea Iruñeko kartzelan egotea eta beste preso batzuk Almerian [Espainia]".