Belgikako justiziak uko egin dio berriro Valtonyc Espainiaratzeari

Ganteko Apelazio Auzitegiak berretsi egin du Belgikako epaileek Valtonyc gisa ezaguna den Josep Miquel Arenas Mallorcako rap abeslaria ez estraditatzeari uko egiten zioteneko ebazpena. Espainiako Justiziak mehatxuengatik, terrorismoa goratzeagatik eta Koroa iraintzeagatik hiru urtera zigortu zuen kantaria eta ihes egin zuen Belgikara orduan.

Valtonycen abokatuek garaipen gisa ospatu dute epaia, euren borrokari babesa ematen diolakoan eta uste dutenez, lege aldaketak ekar ditzake ebazpen honek Belgikako ordenamendu juridikoan.

Hala ospatu du Simon Bekaert abokatuak Twitterren:

Victory ! After three years of legal procedures, a detour to the European Court of Justice and to the Belgian Constitutional Court, the Court of Appeal rules that Valtonyc can not be extradited. A good day for music and freedom of expression. @valtonyc

— Simon Bekaert (@Simonbekaert) December 28, 2021

Hala ere, Fiskaltzak helegitea aurkez dezake eta bide legala agortu, kasazio Auzitegira joz.

2018ko ekainean Espainiatik ihes egin zuen raperoaren estraditazioa atzera bota zuten epaileek. Orduan, bigarren auzialdi bat zabaldu zen,  urtebete baino gehiagoz luzatu den; prozesu honen baitan, Ganteko epaileak Belgikako konstituzionalari helarazi zion erregeari egindako erasoen kasua. 

Magistratuak Belgikako 1847ko legeari eutsi zion, erregearen figura babesten duena, baina Auzitegi Gorenak Konstituzioaren aurkakotzat jo zuen, eta nabarmendu adierazpen askatasunarekin talka egiten duela eta ez diola erantzuten premiazko beha sozial bati. Zigorra, gainera, "erregearen pertsonaren ospea babesteko helburuarekiko neurriz kanpokoa" dela ebatzi zuen.