Politika -

ZALDIBAR, 2 URTE HONDAMENDITIK

EH Bilduk salatu du bi urte igaro arren inork ez duela ardura politikorik bere gain hartu

Auziak irekita jarraitzen duela gogorarazi du koalizio subiranistak eta ez duela edonola ixtea onartuko ohartarazi du.

Zaldibarko zabortegia. Argazkia: EFE
Zaldibarko zabortegia. Argazkia: EFE
Zaldibarko zabortegia. Argazkia: EFE

AGENTZIAK | EITB MEDIA

Whatsapp Facebook Twitter Telegram Email

EH Bilduk salatu du Zaldibarko zabortegia jausi zenetik bi urte bete diren honetan, "ardura politikoak argitu gabe" jarraitzen dutela. Hala, auzia edonola ixtea ez dutela onartuko ohartarazi dute.

Igande honetan bete dira bi urte zabortegian hondamendia izan zenetik eta Alberto Sololuce eta Joaquin Beltran langileak hil zirenetik. Sololuceren gorpua handik hilabete batzuetara aurkitu zuten baina Beltranena ez zen agertu.

Koalizioa abertzaleak oroimen mezua argitaratu du otsailaren 6 honetan sare sozialetan: "bi urte Alberto eta Joaquin gogoan. Bi urte eta aferak itxi gabe segitz du. Bi urte eta ez da ardura politikorik garbitu".

Manifestazioa Zaldibarren

Zaldibar Argitu plataformak hildako bi langileak gogoratu ditu igande honetan ia 60 euskal kolektibok bat egin duten ekitaldian. Aurrez, manifestazioa izan da 12:00etan Ermuatik abiatu eta Zaldibarko Eitzaga auzoan amaituz.

Ikerketari dagokionez, auziak bere bideari darraio epaitegietan. Gainera, urtarrilaren 27an, Europako Parlamentuko Eskaeren Batzordeak informazio gehiago eskatu zien Eusko Jaurlaritzari eta Europako Batzordeari zabortegiaren erorketari buruz, eta ikerketa zabalik mantentzea erabaki zuen.

Hau zure interesekoa bada, baliteke beste gai hauek ere izatea
Lan-istripuak Politika Bizkaia Euskal Autonomia Erkidegoa Salaketak Gizartea EH Bildu Eguneko albisteak Albisteak Zaldibar Durangaldea Manifestazioak Ekologia gaur Euskal Herriko kutsadura Mendi-magaletako lur-jausiak