PSE: 'Ez da dimisioen garaia, gertatutakoa argitu behar da'

Jose Antonio Pastor PSE-EEren bozeramaileak esan du ez dela "dimisioen garaia" eta gertatutakoa argitu behar dela, Iñigo Cabacasen heriotzari erreferentzia eginez.

Radio Euskadiko 'Ganbara' saioan egin dioten elkarrizketa batean azaldu duenez, "badago alderdi politiko bat alderdikeriaz jokatzen ari dena" Cabacasen heriotzarekin.

Pastor ezker abertzaleaz ari zen adierazpen horietan eta gogorarazi du hildakoaren sendiak gertakaria politikarekin "ez kutsatzeko" eskatu zuela. Baina "batzuk saiatu egin dira, etekin politikoa ateratzeko saiakera lotsagabea egin dute", gaineratu du Pastorrek.

Bestalde, PSE-EEren bozeramaileak jakinarazi du Ertzaintzak "ikerketak" egingo dituela "antzeko gertakariak errepika ez daitezen".