Politika -

Nafar Buru Batzar

Nafarroako EAJk dio nafarrei dagokiela "estatus politikoa erabakitzea"

Unai Hualdek, alderdiaren Foru Erkidegoko presidenteak, gaineratu du "beti" entzuten eta errespetatzen dituztela "gehiengo demokratikoak".

Hualde, mikrofonoaren aurrean, Iruñean. Argazkia: Nafar Buru Batzar
Hualde, mikrofonoaren aurrean, Iruñean. Argazkia: Nafar Buru Batzar
Hualde, mikrofonoaren aurrean, Iruñean. Argazkia: Nafar Buru Batzar

agentziak | eitb media

Whatsapp Facebook Twitter Telegram Email

Unai Hualde EAJren Nafarroako presidenteak azpimarratu du Nafarroako herritarrak izan behar direla "estatus politikoa eta gainerako euskal foru lurraldeekin duten harremana zehaztu behar dutenak".

Hueladek horixe adierazi du EAJren entzuketa prozesuaren baitan Iruñean egin duten jardunaldiaren aurretik, Andoni Ortuzar EBBren burua aldamenean zuela.

Aurten Amejoramenduaren 40. urteurrena dela gogorarazi ostean, Hualdek Nafarroaren "autogobernua defendatzearen garrantzia" azpimarratu du.

Horren harira, azaldu du EAJk "beti" sinetsi izan duela Nafarroako "gizon-emakumeetan, euren autogobernuan eta nafarrak izan behar direla estatus politikoa eta gainerako euskal foru lurraldeekin duten harremana zehaztu behar dutenak, hitza eta erabakia errespetatuz".

Horregatik, gaineratu du EAJk "beti" entzuten eta errespetatzen dituela "gehiengo demokratikoak".

EAJren presidenteak beste militante eta kargudun publiko batzuekin batera parte hartu du alderdiak abiatutako entzuketa prozesuan. Izan ere, bertan ziren, Ortuzarrez eta Hualdez gain, Mikel Irujo kontseilaria eta Maria Solana eta Blanca Regulez Geroa Bairen parlamentariak, besteak beste.

 

Hau zure interesekoa bada, baliteke beste gai hauek ere izatea
Politika EAJ-PNV Iruñea Geroa Bai Nafarroa Bai Nafarroa Alderdi politikoak Eguneko albisteak Albisteak