Garrido: "Zerga sistema progresiboagoa eta bidezkoagoa izan behar da, gehien dutenek gehiago ordain dezaten"

Krisi ekonomikoaren testuinguruan, zerga sistema progresiboago eta bidezkoago baten beharra azpimarratu du Podemos Euskadik, "gehien dutenek gehiago ordain dezaten". Radio Euskadiko "Boulevard" saioari eskaini dion elkarrizketan, Pilar Garrido Podemos Euskadiko koordinatzialeak azaldu duenez, autogobernuak Euskadiri ahalbidetzen dio bide horretan pausoak ematea. Hala ere, ez ditu aldundiak horretarako borondatearekin ikusten: "Ez dut uste horretan pentsatzen ari direnik, baina bultza egin behar dugu horrela izan dadin".

Unidas Podemoseko diputatua ere badenak soldatak, pentsioak eta eroshalmena blindatzearen alde hitz egin du.

Igande honetan ospatuko den Aberri Egunari begira, Podemos Euskadik ez du alderdi gisa ekitaldi publikorik egingo, beharrezkoa ez dela iritzita. Dena dela, koalizioko hainbat kidek gizarte zibilak antolatutako ekitaldietan parte hartuko dutela adierazi du.

Espainiako II. Errepublika aldarrikatu zenetik 91 urte betetzen diren egunean, errepublikaren baloreak goraipatu ditu Pilar Garridok. Horren hitzetan, bere balioek puri-purian egoten jarraitzen dute. "Beste eredu ekonomiko eta sozial bat eraikitzeko aukera jarri nahi dugu mahai gainean, memorian, antifaxismoan, berdintasunean eta askatasunean oinarrituta egongo dena.