Politika -
ERREGE ETXEA
Felipe VI.a errege emerituarekin batzartuko da Madrilen
Oraingoz ez dituzte zehaztu bileraren eguna eta tokia. Felipe VI.ak Arabiar Emirerri Batuetara bidaiatu bertako presidentearen heriotza tarteko, eta telefonoz hitz egin du bere aitarekin.
AGENTZIAK | EITB MEDIA
Felipe VI.a errege emerituarekin elkartuko da Madrilen, Juan Carlos I.a Espainiara itzultzen denean. Felipe VI.a Abu Dhabin izan da igande honetan Arabiar Emirerri Batuetako presidentearen heriotzagatik doluminak adierazteko. Errege Etxeak azaldu duenez, aita-semeek telefonoz hitz egin dute eta Madrilen aurrez aurre hitz egitekotan gelditu dira.
Biak herrialde berean egon arren, aita-semeak ez dira aurrez aurre elkartu.
Gaur-gaurkoz, ez dute zehaztu bilera noiz eta non egingo den.
Martxoaren hasieran Juan Carlos I.a errege emerituak jakitera eman zuen Abu Dhabin jarraituko duela bizitzen, baina Espainira "sarritan" itzuliko dela baieztatu zuen Felipe VI.ari bidalitako gutun batean.
Errege emerituak Abu Dhabira ihes egin zuen 2020ko abuztuan, ustelkeriagatik ikertuko zutela jakin zenean.