Politika -

UDAL HAUTESKUNDEAK

Rocio Vitero izango da Gasteizko alkatetzarako EH Bilduren hautagaia

Gainera, koalizio subiranistaren Mahai Politikoak Unai Fernandez de Betoño egungo legebiltzarkidea proposatu du alkateorde izateko.

Rocio Vitero eta Unai Fernándes, EH Bilduren proposamenak Gasteizko Udalerako. Irudia: EH Bildu
Rocio Vitero eta Unai Fernándes, EH Bilduren proposamenak Gasteizko Udalerako
Rocio Vitero eta Unai Fernándes, EH Bilduren proposamenak Gasteizko Udalerako. Irudia: EH Bildu

EITB MEDIA

Whatsapp Facebook Twitter Telegram Email

Rocio Vitero izango da EH Bilduren alkategaia datorren urteko udal eta foru hauteskundeetan. Gasteizko EH Bilduko Mahai Politikoak hura proposatu du alkategai izateko, eta berea izan da hautagaitzak erabakitzeko prozesuan aurkeztu den bakarra.

Militantziak berretsi ezean, beraz, egungo zinegotzia izango da Arabako hiriburuko alkatetzarako EH Bilduren hautagaitzaren burua. Viterorekin batera, EH Bilduk Unai Fernandez de Betoño proposatu du alkateorde izateko.

Vitero (Gasteiz, 1980) EH Bilduren udal taldeko zinegotzia da 2019tik, eta gizarte langilea da ogibidez; gizarte politiken ikuskaritzan aditua. Era berean, Aterpe udal zentroko arduraduna izan da eta Sidalava elkartea koordinatu eta kudeatu du.

Unai Fernandez de Betoño, berriz, arkitekturan doktorea eta Euskal Herriko Unibertsitateko (UPV/EHU) Hirigintza irakaslea da. Hainbat urtez Ensanche 21 sozietate publikoko sailburu izan da, eta, gaur egun, EH Bilduko legebiltzarkidea da eta etxebizitza, lurralde-antolamendua, mugikortasuna eta suspertze ekonomikoa bezalako alorrak jorratzen ditu.

Hau zure interesekoa bada, baliteke beste gai hauek ere izatea
Berriak Politika Zer gertatu da Bizkaian? Gipuzkoako albisteak Araba Euskal Autonomia Erkidegoa Hauteskundeak Euskadin EH Bildu Hautagaiak Prentsa digitalaren azken orduko Gasteiz Gaurko azken orduko albistea