Astelehenean hasiko dituzte Bakegintza lantaldeko agerraldiak

Eusko Legebiltzarreko Bakegintza eta Elkarbizitzarako Lantaldeak datorren astelehenean hasiko ditu lehenengo agerraldiak, gaur Legebiltzarreko taldeek jakinarazi dutenez.

Legebiltzarkideak gaur goizean batzartu dira ponentziaren lan metodologia zehazteko. Agerraldietan nortzuk parte hartuko duten eta eztabaidatuko dituzten dokumentuei buruz ez dute adierazpenik egin nahi izan.

Zuhurtziaz jokatuko dutela nabarmendu dute, "beharrezkoa ez den ikusmina sahiesteko" eta lan-taldeari "presioa" ez egiteko. Hitzarmenak "adostasun zabal batekin" hartu nahi dituztela gaineratu dute.

Iragan astean, taldeek ponentziaren bigarren bilera egin zuten, eta alderdi politikoen, elkarteen eta beste entitateen ekarpenen zain dagoela adierazi zuten, Euskadiko gizarteak bakeak egiteko zein neurri politiko, hezigarriak edo espetxeetakoak hartuko dituzten ezagutzeko.

Lantaldean parte hartuko duten adituen partaidetza aztertu dute gaur; besteak beste, Jesus Lozak parte hartu du lantaldean.