Politika -
Estatuko Fiskaltza Nagusia
Dolores Delgado Estatuko fiskal nagusiak kargua utzi du
Karguan bi urte pasatxo eman ostean, osasun arrazoiak argudiatu ditu kargua uzteko. Aurrez, Espainiako Gobernuko Justizia ministroa izan zen Delgado.
Agentziak | EITB MEDIA
Dolores Delgado Estatuko fiskal nagusiak kargua utzi du, Espainiako Gobernuko iturriek EFE albiste agentziari jakinarazi diotenez.
Delgado 2020ko otsailetik da Espainiako fiskalen buru, eta, aurretik, 2018-2020 aldian, Sanchezen Justizia ministro izan zen.
Hainbat komunikabidek aurreratu dutenez, fiskalak osasun arrazoiak argudiatu ditu karguari uko egiteko. Espainiako Gobernuak gaur bertan izendatuko du ordezkoa, eta, itxura guztien arabera, Alvaro Garcia Ortiz Delgadoren 'bigarrena' jarriko dute haren ordez.