Politika -
erasoa ertzain bati
Gasteizko EAJ, PSE-EE, PP eta Elkarrekin alderdiek ertzain baten aurkako erasoa gaitzesteko testua onartu dute
EH Bilduk ez du Udalaren gaitzespen adierazpena sinatu, baina sare sozialetan "edozein motatako erasoak" errefusatu ditu.
AGENTZIAK | EITB MEDIA
Gasteizko Udaleko taldeek, EH Bilduk izan ezik, joan den igandean Arabako hiriburuan ertzain bati egindako erasoa gaitzesteko adierazpena onartu dute.
EAJk, PSE-EEk, PPk eta Elkarrekin sinatutako testu horren bidez, Gasteizko Udalak "arbuio eta gaitzespenik sendoenak adierazten ditu joan den igandean, Aiztogile kalean, Ertzaintzako kide batek —ertzain izateagatik— jasan zuen erasoaren aurrean".
Sinatzaileek salatu dute "gertakari onartezinak eta sektarioak" direla, "Gasteiz hiriaren irudia inolaz ere ematen ez dutenak". Izan ere, "elkarbizitza, tolerantzia eta begirunea dira hiri honen ezaugarriak", esan dute.
Testua sinatzen duten alderdiek "hurbiltasuna eta erabateko babesa" helarazi diote erasotako agenteari; eta, oro har, Ertzaintzako kide guztiei.
Bestalde, Felix Gonzalez San Vicente EH Bilduk Gasteizko Udalean duen bozeramaileak "edozein motatako erasoak" errefusatu zituen atzo twitterren:
