Politika -
Bilera Moncloan
Rajoy eta Rubalcaba, Europar Batasunean iritzi bera izatearen alde
Halaber, Gobernuko buruak eta PSOEko liderrak ekaina baino lehen administraritzak berritzeko konpromisoa berretsi dute, nahiz eta horretarako izenik eman ez.
Erredakzioa
Mariano Rajoy Gobernuko presidenteak eta Alfredo Perez Rubalcaba PSOEko buruak Europar Batasunean iritzi bakarra izatearen alde egin dute, espainiarren interesak defendatzeko, eta lan batzorde bat sortzea erabaki dute hainbat erakunderen gaitasunak berraztertzeko eta bikoiztasunak ekiditeko.
Gobernutik eta PSOEtik Moncloan izandako kontuen berri eman dute bi ordu eta hiru ordu laurden iraun duen bileraren ostean. Bertan, ekaina baino lehen erakundeak berritzeko (Konstituzio Auzitegia, Herriaren Defentsaria eta Kontuen Auzitegia) konpromisoa berretsi dute, nahiz eta izenik eman ez.
Rajoyk Rubalcabari Bankiaren krisiari buruzko informazioa eman dio, eta biek esan dutenez, PSOEk Luis de Guindos Ekonomia ministroari proposamenak helaraziko dizkio finantza sistemaren erreforma dekretuaren inguruan.
Europako politika izan da elkarrizketaren ardatz, Gobernutik jakitera eman dutenez, "ikuspegi bera" eta "akordio orokorra" dute horrekin inguruan. Espainiako interesak batera defendatzeko Europako instituzioen aurrean, kontaktuan mantenduko dira etorkizunean, bereziki ekainaren amaieran egingo den Europako Kontseilua baino lehen.
Bien ustez, gomendagarria da foro horretan gazteen enplegurako plan bat bultzatzea Europarako, bertatik Espainia izango litzateke onuradun nagusienetako bat; Inbertsioen Europako Bankuaren bitartez enpresa ertain eta txikientzako inbertsioak bultzatzea ere defendatu dute.
