Azkarraga: "Justiziak eragozpenak jartzen ditu presoen eskubideak betetzerako orduan"

Radio Euskadiko Cronica de Euskadi Fin de Semana saioan iza da Joseba Azkarraga, Sare plataformako bozeramailea. Bertan salatu du "Justiziaren injerentzia" presoen gradu-progresioetan, baita espetxe baimenetan ere. Une honetan, 80 preso daude egoera honetan, alegia, espetxe zigorraren zati handiena beteta eta baimen horiek lortu ezinik.

Sakabanatze politikari dagokionez, Azkarragak aitortu du "pauso garrantzitsuak" eman direla azken urte eta erdian, baina oraindik presoen % 28 Euskal Herritik kanpoko kartzeletan daudela salatu du, eta hori ganditu beharreko gaia dela nabarmendu du Sareko bozeramaileak.

Eusko Jaurlaritzak espetxeen eskumena hartu zuenetik egin duen kudeaketa "positibotzat" jo du Azkarragak. Esan duenez, duela hilabete batzuk baino hobeto gaudelako. Hala ere, eman beharreko pausuak azkarrago ematearen garrantzia azpimarratu du.