Politika -
Espetxe politika
Ugarteburu: 'Amnistia ez da preso guztientzako erabateko indultua'
Halaber, ezker abertzaleko bozeramaileak, ETAren biktimen eta presoen arteko bilerak begi onez ikusten dituela adierazi du eta "hitz egitea beti da positiboa", azpimarratu du.
Erredakzioa
Maribi Ugarteburu ezker abertzaleko bozeramaileak adierazi duenez, ETAko presoen kolektiboak eta ezker abertzaleak "amnistia" hitza erabiltzen dutenean kontzeptu politiko gisa erabiltzen dutela esan du eta ez "preso guztiek batera hartuko luketen erabateko indultu" gisa.
"Autodeterminazioari lotutako kontzeptua da; euskal gatazka politikoaren konponbide osoa lortutakoan ETAko presorik existitzeko arrazoirik ematen ez duen testuinguru bat deskribatzen du", azaldu du Ugarteburuk Onda Vascan.
EPPKren adierazpena txalotu du Ugarteburuk eta "berritasun" gisa, jarduera armatua amaitutzat emateaz gain eta egindako "mina" aitortzeaz gain, erabaki horiek "ahobatez" hartutakoak izan direla azpimarratu du.
"Ez dago Estatu espainiarretik modu artifizialean puztu nahi diren zalantzentzako inolako zirrikiturik, ETAko militante berriak biltzeaz edota lehergailuak jartzeko aukeraz hitz egiten dutenean bezala",esan du.
Maribi Ugartebururen iritziz, orain, EPPKren adierazpenaren ostean, Espainiako Gobernuak eman beharreko lehenengo pausoa "espetxe arauditik kanpo dauden salbuespen neurriak indargabetzea", izan behar du.
Bestalde, Ugarteburuk ETAren biktimen eta presoen arteko bilerak begi onez ikusten dituela adierazi du eta "hitz egitea beti da positiboa", azpimarratu du.
