Politika -

Espetxeak

Auzitegi Nazionalak hirugarren gradua baliogabetu dio Joseba Arregi 76 urteko ETAko presoari

Auzitegi Nazionalak Eusko Jaurlaritzako Justizia Sailak onartutako sei hirugarren gradu baliogabetu ditu dagoeneko.

Joseba Arregi presoa. Irudia: Etxerat
Joseba Arregi presoa. Irudia: Etxerat
Joseba Arregi presoa. Irudia: Etxerat

EITB Media

Whatsapp Facebook Twitter Telegram Email

Auzitegi Nazionaleko Espetxe Zaintzako epaileak baliogabetu egin du Joseba Arregi 76 urteko ETAko presoari Eusko Jaurlaritzak emandako hirugarren gradua.

Auzitegi Nazionaleko Fiskaltzak Espetxe Zaintzako epailearen aurrean errekurritu zuen hirugarren gradua.

Ministerio Publikoak Iñigo Urkulluren Jaurlaritzako Justizia Sailak onartutako sei hirugarren gradu baliogabetu ditu dagoeneko.

Etxeratek ohar batean azaldu duenez, zortzi hilabeteko tramitazioa izan du helegiteak eta, "zoritxarrez", bigarren gradura itzuli, eta espetxera bueltatu da presoa. "Etxera itzultzeko bidea oztopatzen" ari direla salatu kolektiboak.

"Haserrea eta gaitzespena" adierazi du Etxerat elkarteak, "Espainiako Justiziak bere alderik ankerrena erakutsi duelako, kasu honetan Arregiren eskubideak urratuz".

Hau zure interesekoa bada, baliteke beste gai hauek ere izatea
Auzitegi Nazionala berriak Politika Presoak ETA Eguneko albisteak Albisteak Bakea Euskadin Espetxeak