Albiste izango dira: EITB Focus: boto asmoa, protestak Frantzian eta greba Alemanian

Honako gai hauek hartuko dituzte gaur, martxoak 27, hedabideetako lerroburu nagusiak:

- EITB Focus: EAJk irabaziko lituzke maiatzaren 28ko foru hauteskundeak Araban, Bizkaian eta Gipuzkoan, hiru lurraldeetan gora eginda, eta Bizkaian lehen aldiz gehiengo osoa lortuta, EITB Focus makroinkestaren arabera. EH Bilduk, aldiz, hazkunde nabarmena izango luke eta berretsi egingo luke bigarren postua, PSE-EEri aldea aterata.

- Protestak Frantzian: Pentsioen erreformaren kontrako protestak ez dira baretu Frantzian. Bien bitartean, Frantziako Gobernuak hitz egitera deitu ditu sindikatuak eta protesten antolatzaileak.

- Greba Alemanian: Gauerdian greba abiatu da Alemaniako garraio sektorean, eta dagoeneko eragina nabaritu da gaur Municheko aireportuan, hegaldi guztiak bertan behera gelditu baitira. Greba horrek eragin zuzena izango du Loiuko aireportuan.