Politika -
PPko Kongresua Bizkaian
Basagoiti: 'Independentisten proiektua arrisku saria da Euskadirako'
Euskadiko PPko presidenteak adierazi duenez, ETArentzako amaiera posible bakarra "armak uztea da". Halaber, "corralito politikoa" bilatu izana leporatu die EAJri eta Bilduri.
Erredakzioa
Antonio Basagoiti Euskadiko PPko presidenteak larunbat honetan adierazi duenez, Sortuk defendatzen duen eta EAJren laguntza duen "independentisten proiektua arrisku saria da Euskadirako".
Basagoitiren esanetan, "900 lagun erahilda ETAk defendatu duen independentziaren bidea nahi duen erabaki beharko dute euskal herritarrek datozen hauteskundeetan". Halaber, "independentisten hordagoari" babesa erakutsi izana leporatu dio EAJri.
Larunbat honetan Bilbon izandako PPko 13. Kongresuak Anton Danborenea izendatu du Bizkaiko PPko presidente berria (botoen % 74,09 lortu du Danboreneak). Ekitaldi honetan Basagoitik esan duenez, ETArentzako amaiera posible bakarra "armak uztea da". Halaber, "corralito politikoa" bilatu izana leporatu die EAJri eta Bilduri.
"Datozen hauteskundeak funtsezkoak izango dira, Euskadiko Estatutuari eta Espainiako Konstituzioari aurre egiten dion erronka politiko bat mahai gainean dagoelako", esan du PPko buruak.
"Corralito politikoa"
Halaber, "EAJren laguntzarekin, independentisten hordagoa" emango dela iragarri du Basagoitik. "Funtsezkoa da jakitea nor dago proiektu independentistaren alde", azpimarratu du. "EAJk Bildurekin eta Sorturekin egin nahi duen corralito politikoa da jokoan dagoena", adierazi du, "eta hau arrisku saria da Euskadirako".
"Horrek herria ezegonkortuko du, eta etorkizunera begira, gure ekonomia kolokan jartzen jarriko du", ohartarazi du. Gauzak horrela, Mariano Rajoy Gobernuako presidentearen jarrera goratu du, krisi ekonomikoari "ausardiaz" ari dio aurre egiten.
