PPk kargu hartu dio Andrea Fabrari, 'izandako jarreragatik'

Madrilgo PPk Andrea Fabra diputatuari kargu hartu dio, idatziz, Mariano Rajoy langabeei zuzendutako murrizketak azaltzen ari zela "izorra daitezela" oihukatzeagatik.

Kongresuan egindako agerraldian, Alonsok esan du PPk idatziz kargu hartu diola izandako jarreragatik. "Fabraren jarrera erabat ezegokia izan zen, eta kalte egin zion Kongresuaren duintasunari ", gaineratu du.

Alonsok azpimarratu du aurrekaririk ez dagoela eta ez diotela Fabrari isunik ezarriko. "Kargu hartzearekin nahikoa izango du Fabrak", adierazi du.

"Ez zaio erraz egingo, baina jarrera hauek zuzentzea gure ardura da. Ez da berriro gertatuko PPko kideen artean", bukatu du.

“Ez dut uste berarentzat erraza izango denik, baina horrelako portaerak zuzentzea da gure beharra, eta ziur nago PPren barruan horrelakorik ez dela berriz ere gertatuko”, errepikatu du Alonsok. Parlamentari guztiak adin-nagusiak direla eta beren erabaki hartu behar dituztenaren argumentuarekin, ez du argitu Fabrak barkamena publikoki eskatuko duen edo ez.

Bere ustez, kasu horretan PSOEk izan duen jarrera “inkisitoriala” izan da, hilabetez egon baita Fabraren dimisioa eskatzen. Mariano Rajoyk langabetuentzako prestazioak ezabatuko zituela esaten ari zen bitartean, alderdi popularreko diputatuak “que se jodan” adierazpena egin zuen, baina esaldi hori sozialisten aurka zuzenduta zegoela ziurtatu zuen.

Posadak ere ohartarazi du

Beste alde batetik, Jesus Posada Kongresuko presidenteak PPko diputatua bere bulegora deitu duela jakinarazi du. Bertan, aurreko asteko plenoan izandako “portaera guztiz desegokiarengatik” ahoz ohartarazi du, eta Fabrak barkamena eskatzen duen idazki bat eman dio.

“Espero dut Kamararen ohorea mintzen duten horrelako jarrerak berriz ere ez gertatzea” esan du Posadak