ETAk hildako Casanova tenienteordea omendu dute Berriozarren

Berriozarreko herritarrek ETAk hildako Francisco Casanova tenienteordea omendu dute ostegun honetan, hil zutela 12. urte pasatu direnean.

Francisco Casanovaren familiarekin hainbat bizilagun eta ordezkari publiko izan dira omenaldian, Bakearen Bizilagunak deitutako kolektiboak antolatua izan da.

Rosalia Saiz-aja, Casanovaren alarguna, eta bere bi seme-alabak Casanovaren aitarekin batera, omenaldiko buru izan dira. Oso hunkituta azaldu dira denak.

Berriozarren honako pertsona hauek izan dira, besteak beste: Juan Luis Sanchez de Muniain, Nafarroako Gobernuko idazkariordea eta Nafarroako Gobernuko zinegotzia, Miguel Sanz Gobernuko presidente ohia, Carmen Alba Nafarroako Gobernuko ordezkaria, Alberto Catalan Parlamentuko presidentea eta Enrique Maya Iruñeko alkatea.

UPN, PSN, PPN alderdietako ordezkariak ere joan dira, Jose Andres Burguete CDNko presidente ohia ere bertan izan da, Casanovaren lankide ohiekin batera.

Arratsaldeko 19:00etan San Esteban parrrokian meza batekin eman zaio hasiera omenaldiari, eta, ondoren, lora eskaintza bat egin da Askatasunaren atean, 2005ean Francisco Casanova eta ETAko beste biktimen omenez eraiki zen monumentuan.

Ekitaldi hauek guztiak Berriozarreko Bakearen Bizilagunak elkarteak antolatu ditu, terrorismoaren aurka sortutako herritar talde batek. ETAk Casanova hil ondoren sortu zen elkartea Nafarroako herri honetan.

Francisco Casanovaren kontrako atentatua 2000 urteko abuztuaren 9an izan zen. Tenienteordea garajean harrapatu zuten, ibilgailua uztera zihoala eta lau tiro eman zizkioten buruan. Casanovak 46 urte zituen; ezkonduta zegoen, eta bi seme-alaba zituen.