Politika -
Hauteskundeen aurrerapena
UPyDk Lurralde Historikoen Legea erreformatzea proposatuko du
Hain zuzen ere, EAEko erakunde sistema "zentzugabea"ren ondorioz sortzen diren "bikoiztasunekin amaitzea" proposatuko du.
Erredakzioa
UPyDk Lurralde Historikoen Legearen erreforma "erradikala" egitea defendatuko du hauteskunde kanpainan, EAEko erakunde sistema "zentzugabea"ren ondorioz sortzen diren "bikoiztasunekin amaitzeko", Gorka Maneiro zerrendaburuak azaldu duenez.
Horren esanetan, Euskadiko erakunde sistema "garestia" da eta ez du "eraginkortasunik". Izan ere, "251 udalerri, lau Parlamentu eta hiru Foru Ogasun daude bi milioi pertsonarentzat".
Horrenbestez, UPyDk lehentasunen artean izango du egoera horri amaiera ematea eta, besteak beste, erakunde komunak (Jaurlaritza eta Legebiltzarra) eta foru erakundeak (Aldundiak eta Batzar Nagusiak) arautzen dituen legea erreformatzea jasoko du programan.
Maneirok erakunde, fundazio eta enpresa publikoak murriztea ere proposatuko du, "450 baino gehiago" baitira. "Lanpostuetan gobernatzen dutenen lagunak jartzeko baino ez dute balio", salatu du.