Politika -
Donostian
Arraunketa sinbolikoa egin du Herrirakek, kartzela-politikaren aurka
Parte-hartzaileek pilota bat pasatu diote elkarri, pilota horrekin kartzelaren itxura zuen dekoratua bota duten arte.
Erredakzioa
Herrira koletiboaren ehunka jarraitzailek arraunketa sinbolikoa egin dute Donostian. Sei trainerutan zihoazela antzeztu dute eta arraunean aritu dira Gobernuaren kartzela-politikaren aurka.
Ekitaldia Kontxako Banderaren azken jardunaldian egin dute, Donostiako Boulevarrean, jai-giroan.
Protestan aritu direnek "Amnistia osoa" eta "Euskal presoak Euskal Herrira" leloak oihukatu dituzte, batak besteari pilota bat pasatzen zion bitartean. Pilota horrekin kartzela itxura zuen dekoratua bota dute, eta, ondoren, puxika urdinak askatu dituzte.
"Ezinbestekoa da politika aldatzea"
Agustin Rodriguez eta Nagore Garcia Herrirako bozeramaileek adierazpen bat irakurri dute, euskaraz eta gaztelaniaz. Horren arabera, "ezinbestekoa da egungo kartzela-politika aldatzea, eta horren oroimena iraganeko mamua izatea".
Bozeramaileen arabera, helburua gauzatzeko lehen pausoa "larri gaixo dauden presoak askatzea", 'Parot doktina' "bertan behera uztea" eta ETAko presoen "dispertsio politikarekin amaitzea" da.
