Politika -
EAJ
Lehendakariak Ortuzarren erabakia errespetatu du eta EAJ Batzar Nagusitik indartuta aterako dela nabarmendu du
EAJren egungo presidenteak karguan 21 urte daramatzala gogora ekarri ostean, erabakia militanteei dagokiela adierazi du Imanol Pradales lehendakariak.
AGENTZIAK | EITB Media
Andoni Ortuzar EAJren EBBko presidenteak karguan jarraitzeko prest dagoela jakinarazi duen honetan, Imanol Pradales lehendakariak errespetua agertu dio erabakiari. Halaber, ziur dago alderdia indartuta irtengo dela martxoaren 29an eta 30ean egingo den Batzar Nagusitik.
Donostiako haur danborrada hasi aurretik kazetarien galderei erantzunez hitz egin du Imanol Pradales lehendakariak.
Orain militantziaren garaia dela azpimarratu du lehendakariak, alderdikideena izango baita erabakia. Ortuzarrek karguan lau urte gehiago egitea egokia ote den galdetuta, egungo buruzagia dela eta EAJren presidente karguan 21 urte daramatzala gogora ekarri du lehendakariak.
"Ziur nago martxoaren 29an eta 30ean amaituko den Batzar Nagusitik indartutako aterako garela", gaineratu du.