Politika -

Omenaldia

ETAk duela 24 urte hil zuen Iñaki Totorika agentea omendu du Hernanin Ertzaintzak

Haren omenez jarritako monolitoaren eta plakaren alboan egin diote gorazarre, lore-eskaintza batekin, eta minutu bateko isilunea gordeta.

Iñaki Totorikari omenaldia. Argazkia: Ertzaintza
Iñaki Totorikari omenaldia
Iñaki Totorikari omenaldia. Argazkia: Ertzaintza

AGENTZIAK | EITB MEDIA

Whatsapp Facebook Twitter Telegram Email

Ertzaintzak omenaldia egin dio gaur duela 24 urte ETAk hildako Iñaki Totorika ertzainari. Hernaniko (Gipuzkoa) ertzain-etxean batu dira, haren omenez ezarritako monolitoan.

Victoria Landa zuzendariak, Ertzaintzaren buru Josu Bujandak, Herritarren Babeserako Ataleko buruzagiek, Ikerketa Kriminaleko Ataleko arduradunek, Gipuzkoako Lurralde Bulegoko eta Hernaniko ertzain-etxeko agenteek eta Totorikaren lankideek hartu dute parte omenaldian.

Segurtasun Sailak jakinarazi duenez, Totorikaren omenez jarritako monolitoaren eta plakaren alboan egin diote gorazarre, lore-eskaintza batekin, eta minutu bateko isilunea gordeta. 

2001eko martxoaren 9an hil zuen ETAk Iñaki Totorika ertzaina, 25 urte zituela. Hernaniko Zinkoenea biribilgunean lehergailuz betetako auto bat gurutzatu zuten atentatuaren egileek, eta agenteak gerturatu zirenean eztandarazi zuten.

Hau zure interesekoa bada, baliteke beste gai hauek ere izatea
Berriak Politika Ertzaintza Gaurko albisteak Gipuzkoa Hernani bideoak ETA albisteak Prentsa digitalaren azken orduko Gaurko azken orduko albistea Terrorismoaren Biktimen Azken Ordukoa