'Bakea lortzeko lehen mailako ekarpena da'

Maribi Urgarteburu ezker abertzaleko bozeramailearen esanetan, ETAk zabaldutako azken agiria "bakea lortzeko lehen mailako ekarpena da". Halaber, agiriak "mahai gainean jarri ditu desarmeari buruzko epeak zehazteko asmoa eta gatazkaren ondorioak konpontzeko irtenbideak".

Gauzak horrela, "Espainiako eta Frantziako Estatuek eztabaidarako bideak abiatzen badituzte, litekeena da gatazka konpontzeko atarian egotea".

"Ez dago zalantzarik, ETAren erabakiak ez du atzeraezintasunik", azpimarratu du Ugarteburuk, "baina ez dakigu noiz amaituko diren Estatuen jarrerak eta noiz amaituko diren epaiketak eta izaera politikoko atxiloketak".

ETAko azken agirian "planteamendu ireki batetik, erak eta epeak zehazteko asmoa erakutsi du" talde armatuak. Honen aurrean Gobernuak emandako erantzuna salatu du Ugarteburuk, "armak landa batean uzteko eskatzea ez baita serioa".