Patronalarekin eta sindikatuekin bilduko da aste honetan Pradales, jarrerak gerturatzeko ahaleginean

Sindikatuen eta patronalaren arteko jarrerak gerturatzeko ahaleginean, haiekin elkartuko da aste honetan Imanol Pradales lehendakaria. 

Asteartean, Confebaskeko arduradunekin bilduko da Pradales, Lehendakaritzan, eta bi gauza eskatuko die: heldu diezaiotela gutxieneko soldataren gaiari eta eser daitezela negoziazio mahaian sindikatuekin, ahal den neurrian, akordioak adosteko. 

Asteazken eta ostegunean, berriz, sindikatuen txanda izango da; ELA, LAB eta CCOOrena, zehazki. 

Kasu horietan ere, korapilatsuak izan daitezkeen gaiak mahaigaineratzeko eskatuko die lehendakariak; absentismoarena, besteak beste.