Politika -
Epaiketa
Bertan behera utzi dituzte Madrilgo erresidentzietako hildakoengatik gaur izan behar ziren deklarazioak
Goi-kargudunen defentsak egindako eskaera dela eta geratu da bertan behera, jardunbideen informazio egokirik ez dietela helarazi argudiatuta.
agentziak | eitb media
Carlos Mur eta Francisco Javier Martinez Peromingo Madrilgo Erkidegoko goi-kargudun ohien eta Antonio Burgueño medikuaren deklarazioa, Castilla Plazako epaitegietan egin beharrekoa, bertan behera geratu da.
Madrilgo pandemia garaian erresidentzietan izan ziren hildakoen ikerketaren kari deklaratu behar zuten, baina defentsak saioa bertan behera uztea eskatu du, jardunbideen informazio egokirik ez dietela helarazi argudiatuta.
Mur eta Martinez Peromingori agureak erresidentzietatik ospitaleetara eramatea galarazi zuen protokoloaren egileak izatea leporatzen diete, eta Burgueñori, Madrilgo Erkidegoko "txoke plana" egitea.
