Politika
EITB FOCUS
Pradales, Otxandiano eta Esteban, ondoen baloratutako liderrak
EITB MEDIA
Inkesta erantzun dutenen ia % 90ek ezagutzen dute Pradales, eta 6ko nota ematen diote; Aitor Estebanek du baloraziorik onena, 6,9. Maria Chivite da Nafarroako politikaririk ezagunena (% 97,8).
Inkesta erantzun dutenen % 89,5ek ezagutzen dute Imanol Pradales lehendakaria, eta % 6,0ko nota lortu du. Pello Otxandianok (EH Bildu) jaso du legebiltzarkideen arteko baloraziorik onena (5,9), eta, ondoren, Joseba Diez Antxustegi (EAJ) dago (5,8), nahiz eta % 39k baino ez duten ezagutzen.
Infografia: EITB
Infografia: EITB
Atera berri den EITB Focus txostenaren arabera, Maria Chivite da Nafarroako politikaririk ezagunena (% 97,8), eta 5,5eko balorazioa jaso du; hau da, gainditu egin du, baina ez da nabarmendu homologoekin alderatuta. Balorazioa egonkor mantendu da aurreko edizioekin alderatuta.
Infografia: EITB
Metodologia
Bizitokia EAEn eta Nafarroan duten 3.871 pertsona elkarrizketatu dituzte EITB Focus inkesta egiteko (871 Araban, 1.200 Bizkaian, 1.200 Gipuzkoan eta 600 Nafarroan).
Galdeketak maiatzaren 5etik 21era bitartean egin zituzten, telefonoz.
Datu, mikrodatu eta adierazle estatistiko guztiak Gardentasun atariko Open Data atalean izango dira kontsultagai.