eitb.com-en blogak prest daude zure gailu mugikorrerako

eitb.com-en blogak (ia 100 dira) eskuragarri daude, dagoeneko, gailu mugikor guztietan. WordPresseko beste bertsio bat eta itxura berria ari dira estreinatzen eta "responsive design" izatera igaro dira (web diseinu mota bat, erraz egokitzen dena). Horren ondorioz, edozein smartphonetik edo tabletik sartu ahal izango dira bai blogariak baita erabiltzaileak ere, eta pantaila bakoitzak bistaratze espezifikoa izango du.

eitb.com-ek ia 100 blog eskaintzen dizkie bere erabiltzaileei, euskaraz, gaztelaniaz eta ingelesez, zenbait atal desberdinetan sailkatuta. Gaurkotasuneko blogei dagokienez, eta Kiroletako blogen artean, Kirol Berriak blogaz gozatu ahal dugu; Bermeoko bloga ere badugu, Herriz Herriko blogetan. Boom Shaka Laka bloga eta Portobello bloga ditugu, besteak beste, Irratia atalean, eta zenbait blog interesgarri aurkitu ahal ditugu Tematikoen artean: Bitxibloga, Eingo al Deu sexu bloga, Euskararen bloga, Zinemako bloga...

eitb.com-en blogen WordPress-en 3.5 bertsiorako migrazioa The Init Services enpresak garatu du (EAEko enpresa bat da), eta m4f enpresarekin batera egin du (azken hori ere hemengoa da). EiTBko edukien eta sistemen taldearen laguntza izan dute biek.

Egitasmo honekin, eitb.com-ek gailu mugikorrei zuzendatuko eskaintza zabaldu du; iaz, EiTBk smartphone-entzako eta tabletentzako app-a atera zuen, web eduki guztiekin, eta EiTB Nahieran zerbitzua ere sortu zuen.