Teknologia -
Sare sozialak
Twitterrek erosketak egiteko botoi bat izango du
Sare soziala dagoeneko ari da botoia probatzen, txioetatik bertatik erosketak egin ahal izateko.
Erredakzioa
Twitter erosketak egiteko botoi bat probatzen hasi da hainbat erabiltzaileren artean, txioetatik bertatik produktu bat erosi ahal izateko, sare sozialak iragarri duenez.
"Lehen pausoa da sakelako telefonoetan erosketak egitea errazagoa eta dibertigarriagoa izan dadin", azaldu du konpainiak.
Horren esanetan, erabiltzaileek beste inon eskuragarri ez dauden hainbat produktu erosi ahal izango dituzte Twitterren bidez.
Erosketak egiteko botoia Android eta IOS sistema eragileetan izango da erabilgarri.
