Teknologia -
Arazo teknikoa
Arazoa konponduta, martxan da Youtuberen hasierako orria
Eguerditik aurrera ezin zen bideoen webgunean sartu, baina edukiak kontsulta zitezkeen Googlen bilaketak eginda edo esteken bitartez.
Erredakzioa
Arratsaldeko ordu biak aldera konpondu dute Youtuberen hasierako orria erortzea eragin duen arazoa, webguneko iturriek jakitera eman dutenez.
Arazoa eguerdian atzeman dute eta Espainiako Estatuari eta beste estatu batzuei eragin die.
Webgunera sartzerik ez bazegoen ere, edukiak ikus zitezkeen Googlen egindako bilaketen bidez edo estekatatik, adierazi du Youtuberen bozeramaile batek.
Youtubeko iturri horrek ezin izan du zehaztu arazoaren jatorria non zegoen, ez eta zenbat estaturi eragin dien, baina arratsaldean informazio zabalagoa emango dutela hitz eman dute.
Hau zure interesekoa bada, baliteke beste gai hauek ere izatea