Microsoftek LinkedIn erosi du

Microsoft konpainiak LinkedIn sare soziala erosteko akordioa lortu du, 26.200 miloi dolarren (23.185 milioi euro) truke.

"LinkedIneko taldeak negozio zoragarria sortu du, mundu osoko profesionalak batzea helburu duena", adeirazi du Satya Nadella Microsofteko buruak.

Operazioa urtea bukatu baino lehen gauzatuko da.

LinkedInek eutsi egingo die bere irudiari, markari eta independentziari, eta Jeff Weiner haren zuzendariak karguan jarraituko du, baina, orain, Microsoften agindupean.

Gaur iragarritako erosketa Microsoftek egindako handiena da 2014an Satya Nadella zuzendari exekutibo bihurtu zenetik. Aldez aurretik, konpainiak Skype (7.522 milioi euro) eta Nokia (5.440 milioi euro) erosi zituen.

LinkedIn, burtsan gora

Akordioa iragarri eta gero, LinkedInen akzioak % 46 garestitu dira Wall Streeten, 192 dolar arte.

Microsoftek, baina, behera egin du, eta bere akzioak % 2,7 merkatu dira, 50,5 dolar arte.

LinkedInen balioa % 43,6 jaitsi zen otsailean, iaz 166,14 milioi euroko galerak izan zituela iragarri baitzuen.