Teknologia -
Sare sozialak
Instagramek 500 milioi erabiltzaile baino gehiago ditu
Egunero 95 milioi argazki eta bideo labur partekatzen dira Instagramen; 4.200 milioi “atsegin dut” jasotzen dituztenak.
Agentziak | Erredakzioa
Instagramek, argazkiak eta bideo laburrak partekatzeko sare sozialak, 500 milioi erabiltzaile baino gehiago ditu egun, eta, horietatik, 300 milioik egunero erabiltzen dute.
Ohar baten bidez iragarri dutenez, erabiltzaileen kopurua bikoiztu egin da azken bi urteotan. Alde horretatik, % 80 AEBtik kanpo bizi dira. Plataforma 2010ean sortu zuten, baina 2012an Facebookek erosi zuen.
Egunero 95 milioi argazki eta bideo labur partekatzen dira Instagramen; 4.200 milioi “atsegin dut” jasotzen dituztenak. Halaber, batez besteko datuen arabera, erabiltzaile bakoitzak 21 minutu igarotzen ditu bertan.
Horregatik, Instagramek argitaratu duen ohar horren bitartez, sare sozialaren balioak sustatzeaz gain erabiltzaileei eskerrak eman dizkie.
