Tamagotchiak 15 urte bete ditu

Tamagotchiak, maskota birtualaren kontzeptua sortu zuen jostailuak, 15 urte bete ditu eta, guztira, 78 milioi erabiltzaile izan ditu. Gainera, tamagotchia hainbat ikerketa soziologikoren arrazoia izan da.

1996an kaleratu zuten lehen Tamagotchiak arraultz baten itxura zuen pantaila bat eta giltzatako baten tamaina zuen. Erabiltzaileak jostailuak erakusten zuen txita birtualari jaten eman behar zion eta zaindu eta garbitu egin behar zuen.

Ondo zainduz gero, "txita" jaio, hazi eta 20 edo 25 egunetan hil egiten zen. Horrek, erabiltzaileak txitoarekiko mendetasuna eragiten zuen.

Lehen tamagotchia (japonieraz tamago hitzak arrautza esan nahi du) kaleratu zutenetik, 35 bertsio banatu dira mundu osoan zehar.

Jostailu polemikoa

Hala ere, tamagotchia polemika handia eragin duen jostailua da. Merkaturatu zutenean, Tokiko Teikyo Unibertsitateko psikologoek tamagotchiak antsietatea, loezina edo sozializazio falta eragin zezakeela ondorioztatu zuten.

Tamagotchiak arazo sozialak ere eragin zituen, Japonian: lanean arretarik ez izatea eta trafiko istripuak, besteak beste.

Tamagotchientzako haurtzaindegiak ere sortu zituzten japoniarrek.

1950 sortutako Bandai enpresak tamagotchi berezia kaleratu du urteurrena ospatzeko. Gailu berriak 5.000 yen (48 euro inguru) balio du eta 32 pertsonaia desberdinekin jolasteko aukera eskaintzen du.

Jostailu polemikoa

Hala ere, tamagotchia polemika handia eragin duen jostailua da. Merkaturatu zutenean, Tokiko Teikyo Unibertsitateko psikologoek tamagotchiak antsietatea, loezina edo sozializazio falta eragin zezakeela ondorioztatu zuten