Teknologia -
Asteazkenean
Wikipediak itzalaldia egingo du AEBetako pirateria legearen aurka
SOPA proiektuak Justizia Sailari herrialdean eta atzerrian egile eskubideak dituen materiala argitaratu dutela egotzi zaienei bila aritzeko, ikertzeko eta deskonektatzeko baimena emango dio.
Erredakzioa
Wikipediaren ingelesezko webguneak itzalaldia egingo du asteazkeneko 24 orduetan AEBetako kongresua eztabaidatzen ari den Stop Online Piracy Act (SOPA) pirateriaren legearen aurka egiteko.
"Wikipedia Komunitateak AEBetako pirateriaren legeari aurre egiteko asteazkenean atariaren ingelesezko webgunean 24 orduko itzalaldia egitea erabaki du", argitaratu du Wikimedia Fundazioak.
Onartu egiten badute, SOPA lege proiektuak eta Senatuko bertsioak "Internet librea eta irekia kaltetuko dute eta AEBetan nazioarteko webguneak zentsuratzeko aukera izango dute", gaineratu dute.
Wikipedia Netcoalition.com plataformako kidea da. Google, Yahoo!, Facebook, Foursquare, Twitter, Amazon, Mozilla, AOL, eBay, PayPal, IAC, LinkedIn, OpenDNS eta Zynga atariek ere legeari aurre egiteko ekimenarekin bat egin dute.
Googlek eta Facebookek ere itzalaldia egin lezaketela esan dute, baina ez dute konfirmatu.
