Teknologia -
Mobile World Congress
Microsoftek Windows 8 berria aurkeztu du
Microsoften sistema eragile berriaren nobedade nagusia ukipenezkoa dela da. Gainera, Windows 8 berria mahai gaineko ordenagailuetan eta saguaren bidez ere erabil daiteke.
Erredakzioa
Consumer Preview bertsioak 100.000 hobekuntza ditu 2001eko irailean aurkeztu zutenarekin alderatuta, eta Microsoftek aplikazio ugari jarri ditu eskuragarri Windows Store dendan. Horrez gain, PCen eta Windows sistema duten sakelakoen konexioa ahalbidetuko du eta Internet Explorer 10en preview-a eskainiko du.
Microsoften sistema eragile berriak "sakelako telefonoen eta PCen onena nahasten du". Konpainiaren ustez, orain arteko sistema eragileek mugak jarri dizkiete fabrikatzaileei, eta erabiltzaileak "erabili nahi zuten interfazea, egin nahi zutena edo non zeuden" kontuan izanda aukeratzera behartu dituzte. Hori dela eta, Windows 8 berriak "lehen mailako esperientzia eskaintzen du, erabiltzaileak egin nahi duena kontuan izan gabe".
Konpainiak sistema eragilearen ukipen-sistema berria aurkeztu du. Microsoften Xbox 360 eta Windows Phone sistemek erabiltzen duten itxura bera du. Menua horizontalean ikusiko du erabiltzaileak eta ikonoak taldeka banatzen dira.
Hasierako pantailara itzultzeko botoi azkarrak ere ditu sistema berriak eta aplikazioak tartekatzeko aukera ere eskaintzen du.
