Elur maila 200 metrora jaitsiko da iluntzean

- A-15 errepidea hainbat orduz itxi dute, elurragatik. Halaber, goizeko lehen orduan gertatu den kazkabar erauntsi batek hainbat ibilgailuren arteko istripua eragin du AP-8 autobidean, Usurbilen, eta auto-ilara luzeak sortu dira Donostiara bidean.

- Eguraldi iragarpenaren arabera, elur maila 200-300 metrora jaitsiko da gauean Araba, Bizkaia eta Gipuzkoa barnealdean eta ia Nafarroa osoan, eta larunbat goizean 400-500 metrora igoko da.

- Elurragatik alerta laranja ezarri dute Hego Euskal Herrian, larunbat goizera arte.

- Neguko Bidezaintza Plana aktibatu dute Euskal Autonomia Erkidegoan, elurragatik.