Ezpeleta: 'Behin behineko hainbat langilek lanpostua galduko dute'

Mondragon Korporazio Kooperatiboak Fagor Etxetresnak konpainiako 1.000-1.200 bazkiderentzako lana topatu nahi du, bizpahiru hilabeteko epean. Horretarako, talde barruan aurretiko erretiroez baliatuko dira, baina lanpostu berriak ere sortuko dituzte, Zigor Ezpeleta korporazioaren giza kudeaketarako teknikariak Euskadi Irratian azaldu duenez. Horren esanetan, behin-behineko hainbat langilek lanpostua galduko dute, bazkideek lana izan dezaten, baina birkokapen guztiak ez direla tankera horretakoak izango argitu du.