08:48

eguraldia

Igande honetan

Bero handiagatik eta galerna arriskuagatik abisu horia ezarri dute

AGENTZIAK | ERREDAKZIOA

Gaurko 35º-tik gorako tenperaturak espero ditugu, eta 60 km/h-ko haize-ufadak. Prezipitazio mardulengatik abisu horia ezarri dute biharko gurean.

  • Haize-ufadek 60 km/h-ko abiadura gainditu dezakete. Argazkia: Zurriolako hondartza, Donostia / EiTB

    Haize-ufadek 60 km/h-ko abiadura gainditu dezakete. Argazkia: Zurriolako hondartza, Donostia / EiTB

  • Whatsapp
  • Whatsapp
  • telegram
  • Bidali

Eusko Jaurlaritzako Larrialdi eta Meteorologia Zuzendaritzak abisu hori ezarri du gaurko muturreko tenperaturengatik eta galerna izateko arriskuagatik. Ohar baten bidez Zuzendaritzak azaldu duenez, kostaldean 35º-ren bueltan ibiliko da termometroa kostaldean, eta 36º barnealdean.

Halaber, galerna arriskuagatik ezarritako abisua 21:00etatik 24:00ak arte egongo da indarrean. Haizearen norabidea aldatuko da, mendebalde-ipar-ekialdera, eta horren ondorioz, litekeena haize-ufadek 60 km/h-ko abiadura gainditzea.

Haizetearekin batera, gaurko euria espero da, arratsalde-gauatik aurrera, hain zuzen ere. Litekeena da zaparrada trumoitsuak izatea.

Gainera, tenperatura minimoak bere horretan mantenduko dira, edo zertxobait igoko, eta tenperatura maximoak, berriz, behera egingo du kostaldean.

Ekaitz-giroa aste hasieran

Bestalde, aste hasierari dagokionez, abisu horia ezarri dute biharko, 12:00etatik 24:00ak arte, prezipitazio mardulak izango direlakoan. Litekeena da ordu batean 15 litro ur metro karratu bakoitzeko pilatzea, ekialdean bereziki.

Beraz, astelehenean ekaitz-giroarekin jarraituko dugu. Goizetik lehertuko dira zaparradak, baina eguerdian eta arratsaldean espero dira handienak eta sarriago botako ditu orduan. Tenperaturaren beherakada, beraz, nabarmena izango da kantauri isurialdean.

Iruzkinak

    Bisitatuena

      Kargatzen ikusiena
      Kargatzen ikusiena