Ene Kantak, "Go!azen" eta Kidam magoaren ikuskizunak, urriaren 15ean, BIZI EITB jai erraldoian

EITB Media

Egun osoz, BIZI EITB 2022 jai handia egingo du EITBk Barakaldoko BECen, eta 11:00etatik aurrera etxeko txikienei zuzendutako eskaintza zabala izango da bertan: 3 klubaren txokoa, tailerrak, puzgarriak eta goming euskarriak, ipuin kontalaria, ludoteka, jolasak... Sarrera doan izango da.

Orria entzun Orria entzun

Urriaren 15ean egingo da BIZI EITB jaia BECen

Whatsapp
Whatsapp
telegram
twitt
Bidali
Esteka kopiatu

Albisteak (1)

"Go!azen 9.0" aurrestreinaldirako sarrera gehiago jarri dira salgai

Informazio gehiago (2)

Urriaren 15ean, egun osoz, BIZI EITB 2022 jai handia egingo du EITBk, Barakaldoko BECen (Bilbao Exhibition Centre). Aurten ere 10 orduko festa izango da; eta, ohi bezala, izaera solidarioa izango du, bertan bildutakoa EITB Maratoiari zuzenduta egongo baita.

Aurtengo BIZI EITB ekimena 11:00etan hasiko da, etxeko txikienei zuzendutako jaiarekin. BECeko 2. pabiloian izango da haurrentzako festa, eta familia giroan gozatzeko eskaintza zabala izango da bertan: 3 klubaren txokoa, tailerrak, puzgarriak, salto egiteko goming euskarriak, ipuin kontalaria, ludoteka, egurrezko jolasak, teknologiari lotuta espazioa... Nola ez, Antxus 3 klubeko maskota ere bertan izango da, txikienak agurtzeko.

Horrez gain, ikuskizunak ere hartuko ditu jaiko agertokiak:

Kidam magoaren ikuskizunarekin abiatuko da jaia, 11:00etatik aurrera. "3 Ene Kantak" saioan ikusgai izan ohi dugu Asier Kidam, eta oraingoan bertatik bertara ikusi ahal izango ditugu Kidam-en magia eta trikimailuak.

12:30etik aurrera, berriz, Ene Kantak Dantzan ikuskizuna izango dugu agertokian, protagonista eta pertsonaia guztiekin, tartean Satorjator eta Astonauta ere.

Bazkalorduan ez da musikarik faltako; eta, azkenik, haurren jaia bukatzeko, Go!azen-ekin abestu eta dantzatzeko aukera izango da, 15:00etatik aurrera.

11:00etatik 17:00etara izango da txikinentzako eskaintza BECen, eta sarrera doakoa eta librea izango da (ez da gonbidapenik beharko).

"Go!azen 9.0" telesailaren denboraldi berriaren aurrestreinaldia

Ondoren, 17:30etik aurrera, "Go!azen 9.0" denboraldi berriko lehen atala eskainiko da, kasu honetan BECeko Bizkaia Arenan. Han egoteko, ordea, sarrera beharko da, eta sarrera bakoitzeko 2 euro EITB Maratoira bideratuko dira, esklerosi anizkoitza ikertzeko.

EITB. Batzen gaituzten emozioak!