Maiatzaren 20an, Euskal Irrati Telebista Sortzeko Legea onetsi zuen Eusko Legebiltzarrak.
Administrazio Kontseiluak Josu Zubiaur izendatu zuen EITBko zuzendari nagusi. Komunikazio-taldea martxan jartzeaz arduratu zen.
Hilabete batzuk lehenago, Arabako Radio Vitoria irratia EITBn integratzeko izapideak egin ziren.
ETBko 42 profesionalek trebakuntza teknikoko ikastaro bat egin zuten Studio Hamburg ekoiztetxean.
Argazkia: Euskadiko Orkestra
Azaroaren 23an, Euskadi Irratia saioak ematen hasi zen Donostiatik, Jose Mari Oterminen zuzendaritzapean.
Luis Iriondo (ETBren zuzendaria) eta Ignacio Arregi (Eusko Irratiaren zuzendaria) izan zituen kolaboratzaile.
Abenduan, Euskal Telebista martxan jartzeko probak hasi zituzten.
Abenduaren 31n, ETBk lehen emanaldia egin zuen Elene Lizarralde eta Mari Jose Insaustiren eskutik.
Euskadi Irratian, “Klasikoak Gaur” eta “Kostaldeko Trena” saioak estreinatu ziren, antenan urte asko iraungo zutenak, eta baita “Hirutan Hiru” lehiaketa ere.
Martxoaren 31n, Radio Euskadi abiarazi zen. Hasieran, zortzi orduko programazioa ematen zuten Bilboko estudioetatik.
Nazioarteko informazioaren arloan, “Munduan Zehar” eta “Plaza Berri” dibulgazio-programa estreinatu ziren.
Lehen kirol-emankizunak hasi ziren. Bestalde, EITBren komunikabideek ahalegin guztia egin zuten Euskadi hondatu zuten uholde larriez informatzeko.
Lehen aldiz, zuzenean eman zen ‘‘Euskadiko Sei Orduak’’ kirol-ikuskizuna. Txirrindularitzako figurak izan ziren bertan, besteak beste, Hinault, Zoetemelk, Marino Lejarreta eta Julian Gorospe.
ETB1en, gazteentzako “Gaztetandik” saioari eman zitzaion hasiera, bai eta Txirri, Mirri eta Txiribiton pailazo ospetsuen “Don Don Kikilikon” programari ere.
José Ramón Díez Unzueta izendatu zuten Radio Vitoriako zuzendari. Irratiak 50. urteurrena ospatu zuen.
ETBk Euskadin ekoitzitako hainbat filmetan parte hartu zuen, hala nola Segoviako ihesa, Akelarre eta Betirako sua.
EITBren eta Euskal Filmategiaren arteko hitzarmena, artxiboetan zituzten argazkiak elkarrekin partekatzeko.
“Zopa Haundi” gastronomia-magazinak Antena de Oro (Urrezko Antena) irabazi zuen.
EITBk Oiz mendia jo zuen Boeing 727 hegazkinaren istripuaren informazioa eman zuen. Ezbeharrean, 148 bidaiari hil ziren.
Albistegiak indartu, eta zenbait programa estreinatu ziren, adibidez, bazkalondoko “Hitz eta Pitz” magazina, “Txoria Dut Maite” asteroko saioa edo “Magnum” telesail ospetsua.
Haurrentzako euskarazko programa klasiko bat jarri zen martxan Radio Vitorian: “Maritxu Berritsu”. Aurrerago, Euskadi Irratian ere eman zen.
ETBk lehen aldiz hartu zuen parte Cannesko Jaialdian, eta barne produkzioko Chillida eta Errioxako ardoa programa dokumentalak aurkeztu zituen.
Zeledonen jaitsieraren lehen emanaldia Radio Vitorian.
Jose María Gorordok Andoni Areizaga ordezkatu zuen EITBren zuzendaritza nagusian, eta Jose Mari Iriondo izendatu zuten ETBren zuzendari.
ETBk eta Arts International ekoiztetxeak elkarrekin egindako Chillida dokumentalak lehen saria jaso zuen Parisko Arte Zinemaren Nazioarteko Jaialdian.
Mikel Agirre Bruselako berriemaileak ETBren lehen informazio-kronika egin zuen Europako Parlamentutik.
Radio Euskadi 24 orduko emisioa egiten hasi zen egunero, eta honako espazio hauek gehitu zituen programazioa osatzeko: “El Madrugador” eta “Los Pequeños Principales”.
ETB1ek, HABErekin lankidetzan, euskara ikasteko “Bai Horixe” programa estreinatu zuen.
ETB2ren emisioei eman zitzaien hasiera eta, horrela, telebista publikoaren zerbitzua osatu zen Euskadin.
“HorKonPop” eta “Arkupe” programen emanaldiei eman zitzaien hasiera ETB1en, eta “Iñigo en Directo”, “Adivina Quién Viene Esta Noche” eta “La Muga” ETB2n.
ETBren ekoizpen-zentroa inauguratu zen Miramonen, barne produkzioko programak grabatzeko.
“Poli eta Loinaz” eta “Barraskilo Boss eta Pantxineta” haurrentzako programak estreinatu ziren ETB1en.
“Katu Kale” musika-programa estreinatu, eta ETB1eko klasiko bihurtu zen. Patricia Gaztañagak “Semáforo Pop” aurkeztu zuen ETB2n.
ETBk Euskal Herriko Itzulia eman zuen esklusiban.
“Teleberri” albistegiaren bigarren edizioa estreinatu zen, eta gaueko 21:00etatik aurrera ematen da ordutik.
Radio Vitoriako “Club de Amigos” programa amaierara heldu zen antenan 50 urte baino gehiago egon ostean, eta “En Tu Día” programak hartu zion lekua.
ETBk eta gainerako telebista autonomikoek, TVErekin batera, hitzarmen bat sinatu zuten Futbol Profesionaleko Ligarekin Liga eta Kopako partiden emanaldiak eskaintzeko.
Berrogeita hamar artista baino gehiago bildu ziren Gabon Zaharreko “Kaixo 1988” galan, Miramonen grabatutako lehen ikuskizuna.
ETB2n, “Palabra de Ley”, “Detrás del Sirimiri”, “Dr. Livingstone Supongo” eta “Entre Amigos” saioak hasi ziren, besteak beste.
Euskal Herriko Unibertsitateak eta EITBk Kazetaritzako ikasleei praktikak EITBn egiteko aukera eman zien lehen hitzarmena sinatu zuten.
ETB1en, “Hankaz Gora”, “Flannery eta Bere Astakiloak”, “Hamalau Euskal Sukaldari” eta “Hemen eta Munduan” saioak estreinatu ziren, besteak beste.
Radio Euskadik 5. urteurrena ospatu zuen jaialdi batekin, eta “Menuda Mañana” magazinari eman zitzaion hasiera.
Donostiako Zinemaldia markoa zela, ETBk lankidetza-hitzarmen bat sinatu zuen Silvio Berlusconiren Fininvest taldearekin.
Goizetako “Goizean Behin” magazina abiarazi zuten Euskadi Irratian.
Paris-Dakar Rallyan parte hartuko zuen euskal taldea aurkeztu zen, ETB babesle zela.
“Funtzioa” ikuskizuna eta “Plazarik Plaza” udako saioa estreinatu ziren ETB1en.
FORTA (Irrati eta Telebista Autonomikoen Erakundeen Federazioa) sortzeko ekitaldia antolatu zen Bilbon. EITB izan zen anfitrioia, estatuko lehen telebista autonomikoa izan baitzen.
Arabako Kirolarien Sariak banatzen hasi zen Radio Vitoria.
“Sustraia” eta “Hitzetik Hortzera” estreinatu ziren, gaur egun oraindik ere emititzen diren programak.
ETBk Aita Barandiaran omentzeko programa berezi batekin amaitu zuen urtea haren urteurrenean.
Ibilbideari ekin zion Euskadi Gazteak, gazteentzako musika edo irrati-formulako irratsaioa.
Miramonen grabatu zen TP Sarien banaketa, aurkezlerik eta programarik onenak bildu zituena.
ETB1eko umore-telesail berri bat eskaintzen hasi zen, “Roseanne”, AEBko audientzia-liderra.
“Tribuna Gol” kirol-saioari eman zitzaion hasiera.
“Hau da A.U.” estreinatu zen, arrakasta oso handiko barne produkzioko umore-programa.
Euskarazko barne produkzioko lehen telesaila estreinatu zen: “Bi eta Bat”.
“ETB Kantxa” saioa jarri zen martxan, ostiralero pilota-partida bat zuzenean eskaintzeko.
Etapa berri bati eman zitzaion hasiera Iñaki Zarraoaren zuzendaritzapean.
Logotipoak estreinatu zituzten EITBren irratiek.
“Dragoi Bola” programari eman zitzaion hasiera, euskal gazteen artean inoizko arrakastarik handiena izan duen marrazki bizidunen telesaila.
ETB1era, ‘‘Bizia”, ‘‘Flamigo Berria”, ‘‘Beni eta Marini”, eta ‘‘Ikimilikiliklip” programak iritsi ziren, eta Baionatik egindako lehen albistegia ere bai: ‘‘Iparraldearen Orena”.
ETBko Asier Aranguren kazetariak Euskadiri buruzko hainbat erreportaje egin zituen Estatu Batuetako CNN katerako.
Programa berriak hasi ziren ETB2n, besteak beste, ‘‘Rifi Rafe”, ‘‘A Su Salud” eta ‘‘Estoy de Moda”.
Aurkezleek disko bat grabatu zuten ‘‘Ikus ikus entzun’’ abestiarekin, Oskorri taldearen eskutik, EITBren 10. urteurrena ospatzeko.
‘‘Inocente, Inocente’’ kamera ezkutuko programa historikoa jarri zen martxan.
Euskadi Irratiak 10. urteurrena ospatu zuen programa berezi batekin, eta bertan izan ziren, besteak beste, Andoni Egaña, Sebastian Lizaso eta Xabier Euzkitze bertsolariak.
Gabonetako “Hau ez da Serioa” programa berezia, ETBren hamargarren urteurrena ospatzeko.
‘‘Gezurra Nagusi’’, “Piratak”, “III Milenio” eta “Txoko Latex” programak estreinatu ziren. Azken horretarako, euskal politikako eta gizarteko pertsonaiarik ospetsuenen karikatura egin zen latexezko panpinekin.
Euskal Telebistak ETB Empresa Vasca saria sortu zuen Euskadiko enpresarien zeregin soziala aitortzeko.
“Ipar Haizearen Erronka” marrazki bizidunen telesailak zilarrezko saria irabazi zuen New Yorkeko Telebistaren Nazioarteko Jaialdian.
“La Historia del Ciclismo Vasco” eta “Futbolaz Blai” kirol-saioak estreinatu ziren, bai eta «Vis a Vis”, “ETB Dimanche”,“Iparra”, “Actual”, “Zeuk Erabaki” eta ‘‘Basta con V” programak ere.
“Balinda” lehiaketa, “64” telesaila, “Konta Ditzagun Gezurrak” gazteentzako programa eta“Boulevard” eta “Show-Show” magazinak estreinatu ziren, besteak beste.
Radio Euskadik, bere aldetik, “Boulevard Euskadi” eta “Más Vale Tarde” magazinak estreinatu zituen.
“Superbat” haurrentzako eta gazteentzako proiektua jarri zen martxan. Telebista-programaz gain, 100.000 bazkide baino gehiago bildu zituen kluba izan zen.
Urte amaierako programa berezia ETBko aurkezleekin. Bestalde, “Olentzero” musikala eman zen, Gontzal Mendibilek idatzia.
“Rompecabezotas” eta “El Desafío de los Dioses” lehiaketak estreinatu ziren, bai eta “El Lehendakari Responde” programa ere.
ETB1ek “Duplex” egoera-komedia eta“Mr. Bean” telesail arrakastatsua estreinatu zituen.
ETBk eta Ikastolen Federazioak lehen errezeta-liburua argitaratu zuten euskaraz: Denok sukaldari.
ETBk nazioarteko hainbat sari jaso zituen. Besteak beste, Italiako Giroa iragartzeko spota saritu zuten New Yorkeko Telebistako Jaialdian.
“Goenkale” eguneroko telesaila jarri zen martxan, eta fenomeno sozial bihurtu zen Euskadin. 22 denboraldi izan zituen.
EITBk eta Filmaxek euskarazko marrazki bizidunen lehen bilduma merkaturatu zuten, “Superbat” haurrentzako programako telesail nagusiekin.
ETB izan zen programetan % 65eko barne produkzioa gainditu zuen estatuko lehen telebista.
ETB1ek “Gutxi Gora Behera”, “Hor Konpon Marianton” eta “Txiskola” lehiaketak estreinatu zituen, baita “A Ze Parea, Karakola eta Barea” komedia ere.
“Firin Faran” eta “Toma y Daca” eztabaida-programak estreinatu ziren, ETB1en eta ETB2n, hurrenez hurren.
Ongintzako helburuak zituen “La Gran Oportunidad” programa eta “Las Memorias de Karbo Vantas” telesaila jarri ziren martxan ETB2n.
Herri Torrontegiren babesle ofizial bihurtu zen ETB, eta promozio-hitzarmen bat sinatu zuen Euskadi txirrindularitza-taldearekin.
Bilboko Guggenheim Museoko obrak izan ziren Euskadi Gaztearen promozio-spotaren eszenatokia.
ETBk antolatu zuen INPUT 95 telebista publikoen kongresua, eta Donostian egin zen, munduko 35 herrialderen parte-hartzearekin.
Zornotzan jokatu zen “Kantuz Goraintzi” lehiaketaren finala, Euskadi Irratiak eta ETBk antolatuta.
Martxan jarri ziren Iparragirre Sariak, euskal ikus-entzuleek ETBren urteko programarik eta aurkezlerik onenak saritu zitzatzen.
Bestalde, EITB guztiz ezarri zen Iparraldean, eta Nafarroan zabaltzeko behin betiko urratsa egin zen.
Galiziako, Euskadiko eta Kataluniako telebistek bat egin zuten euren programazioak Amerikako kontinente osoan eskaintzeko Galeusca TV telebistaren bitartez.
“Jaun eta Jabe’’ telesail mitikoa estreinatu zen ETB1en, bai eta “Bertatik Bertara” eta “National Geographic” programak ere.
ETBn, haur eta gazteentzako entretenimenduzko eskaintza zabaldu zen “Jaiak”, “Euskaraokea” eta “Hau da Marka” programekin.
Arratsaldeko “Lo Que Faltaba” magazinarekin batera, “El Tiempo lo Dirá”, “La Monda” eta “Qué Pasa, Pues” estreinatu ziren ETB2n.
Telebista aldizkari berria aurkeztu zen, euskal irrati-telebistak zein haien protagonistak Euskadiko etxeetara hurbiltzeko asmoarekin.
Euskadi Irratiak eta Euskadi Gazteak instalazioak estreinatu zituzten Miramonen, eta EITBren egoitza berria inauguratu zen Iruñean.
Radio Euskadiren Komunikazio Sarien lehen edizioa antolatu zen, eta saridunak J. J. Azurza eta Jokin Intza izan ziren, Frankismoaren garaian irrati horren sustatzaile izan zirenak.
Gabon gauean “Hator Kantari Hator” programa berezia eskaini zen, eta pertsonaia ospetsuek betiko abestiak abestu zituzten Oskorri taldearen laguntzaz.
Radio Euskadik Lapurditik lehenengoz emititu zeneko 50. urteurrena ospatu zuen Bilboko Arriaga Antzokian antolaturiko galarekin.
“Ikusgela”, “La Selva del León”, “Ushuaia Aventura”, “Creadores Vascos”, “Europa”, “Forum” eta “Elkartasunaren bideak-Rutas de solidaridad” estreinatu ziren.
‘‘Benta Berri’’ eta ‘‘Gure Familia eta Beste Piztia Batzuk’’ telesailak estreinatu ziren.
ETBren programazio berria ezagutarazteko promozio-kanpaina saritu zuten PROMAX Europa sariarekin.
EITBren irratiek satelite bidezko Amerikarako programazioa aurkeztu zuten. Bestalde, Euskadi Irratiak Bufaloko KBSS irrati-katea omendu zuen “The Basque Program” saioagatik, antenan 40 urte zeramatzana.
ETBk eta Euskal Modaren Elkarteak ETB de moda kanpaina aurkeztu zuten.
Fernando Amezketarrari buruzko marrazki bizidunen telesailaren arrakastaren ostean, ETBk Lazkao Txiki bertsolari ospetsuari buruzko telesail bat ekoitzi zuen.
Urte horretatik, ETB1 etenik gabe eta hogeita lau orduz hasi zen programazioa euskaraz eskaintzen urteko 365 egunetan.
Martxan jarri zen ETB Sat nazioarteko kanala, Amerikarako programazioa emititzeko euskaraz eta gaztelaniaz eguneko 24 orduetan.
ETBk bosgarren plato bat egokitu zuen Miramongo Ekoizpen Zentroan, eta barne produkzioaren aldeko apustu irmoa egin zuen; Made in Euskadi.
EITBren komunikabideak aitzindariak izan ziren Estatu osoan teknologia digital berrira egokitzeko orduan, Eusko Legebiltzarrerako hauteskundeen emankizun “birtualarekin” eta lurralde-deskonexioekin.
Kalitate oneko programazioa Euskadi Irratian
Lehen aldiz banatu ziren Gaztea Sariak, kirolaren, artearen zein musikaren esparruan nabarmetzen ziren pertsonak saritzeko.
Radio Euskadik 50. urteurrenaren liburua aurkeztu zuen, Sabino Arana Fundazioarekin batera argitaratua, J. A. Rodríguez Ranz eta L. Arrieta Alberdi egileek egindako ikerketa historikoaren emaitza gisa.
“Izar Bila” lehiaketa eta beste programa batzuk estreinatu ziren, besteak beste, “Entre 2 Fuegos”, “La Transición en Euskadi”, “Todo o Nada”, “Easy Peasy’’ eta ‘‘Bakarrik”.
EITBk bere informazio eta entretenimendu eskaintza finkatzea lortu zuen audientzi onari esker.
Dekoratua estreinatu zuten albistegietan, eta hainbat sari jaso zituen “Teleberri”k. Bestalde, “El Punto” eta “Mundo.Hoy” gaurkotasun-espazioak estreinatu ziren.
“Goenkale” 1.000. kapitulura iritsi zen eta, horrela, beteranoena izatera iritsi zen Estatuko telebistetako ekoizpen dramatikoen artean.
“Esta Es Mi Gente” talk-showa abiarazi zen ETB2ko arratsaldeetan, eta formatuak zenbait telebista autonomikotara egin zuen salto.
Radio Euskadik bere programazioaren ardatzak ezarri zituen, “Boulevard” programaren ordutegia luzatuz eta “Más Que Palabras” estreinatuz.
Euskadi Gaztearen “Hi Bizi Haiz Hi” programak ekimen solidario bat jarri zuen martxan, euskal kooperanteek parte hartzen zuten proiektuei laguntza emateko.
Aspe eta Asegarcerekin egindako hitzarmenari esker, ETBk esklusiban emititu zituen Euskadin antolatu ziren txapelketa ofizialen eta txapelketa nagusien final guztiak.
EITBk 18 urte bete zituen, irudi berri batekin eta webgune berri batekin. eitb.com-ek Euskadiko webgunerik onenaren Buber Saria jaso zuen urte hartan.
2000-2007ko plan estrategikoa aurkeztu zen, EITBri ingurune digital eta multimedia berrira egokitzeko bidea egiten laguntzeko helburuz.
Canal Vascoren emisioak hasi ziren, Amerikan bizi zen euskal komunitateari zuzendutako telebista-eskaintza berria. ‘‘Noticias para América” albistegia zeukan.
Urtero bezala, urteko euskal futbolaririk onenak saritu zituen Radio Euskadik.
Haurrentzako eskaintza indartu zen “Betizu” programa estreinatzearekin batera. Urtebete geroago, Betizu kluba sortu zen.
Felix Iñurrategi hil zen, Gasherbrum II menditik jaisten ari zela, “Oinak Izarretan” telesail dokumentalaren grabazioan. Urtebete geroago estreinatu zen saioa.
“Euskal Herria: Lau Haizeetara” telesail dokumentala estreinatu zen, euskal geografia osoaren airetiko ikuspegia eskaintzen zuena.
‘‘Bertatik Bertara’’ magazinak 1.000. programa ospatu zuen Miramonen egindako gala batean.
EITBk lehen EITB Maratoia antolatu zuen, eta 180.000 euro bildu ziren atleta paralinpikoentzat.
EITBk Europako 22 herrialdetako 87 milioi etxetara irekian iristea lortu zuen satelite bidezko ETB Sat emisioaren bidez.
EITB Irratia kanal berria sortu zen, musika-programazioarekin eta Euskadiko kultura- eta musika-gertakari garrantzitsuekin.
“Lo Que Faltaba” magazinak 1.000. programa ospatu zuen Arriaga Antzokian egindako gala batekin.
Radio Vitoriak Gasteizko Jazzaldia babestu zuen.
“Hasiberriak” gazteentzako telesailaren bigarren denboraldia estreinatu zen, “Goenkale” telesailaren spin-off gisa.
Euskadi Irratiak eta HABEk euskararen erabilera ludikoa bultzatu zuten euskaltegien arteko lehiaketa batekin.
“Forum” eta “El Punto” albistegiek 1.000 emanaldi bete zituzten.
“Palabra de Ley” Legebiltzarreko gaurkotasunari buruzko programak 500. emanaldia ospatu zuen euskal ganberan.
“Euskal Herria: Lau Haizeetara” programa grabatu bitartean, helikoptero-istripu batean hil ziren Iñaki Pangua, Rubén Cortijo eta Roberto Arenas.
EITBk lehen programa-kontratua sinatu zuen Eusko Jaurlaritzarekin. Euskal gizartearekiko konpromisoak eta finantzazioa zehazten dituen dokumentu hau aldian-aldian berritzen da.
Euskadi Irratiak 20. urteurrena ospatu zuen. Horretarako, elkarrizketak egin zizkien Euskadiko gizarteko, politikako, kiroleko eta kulturako pertsonaia garrantzitsuei, eta ekitaldi bat antolatu zuen Chillida Lekun.
“Basetxea” realitya estreinatu zen ETB1en, landetxe batean grabatuta zegoena.
Euskadi Gazteak modan jarri zuen Disko Festa, Euskal Herriko udalerri ugaritan zehar ibili zen arrakasta handiko musika-jaia.
EITBk bat egin zuen Bilboko Guggenheim Museoko Fundazioaren Patronatuarekin, eta museoan egin zen udazkeneko programazioaren aurkezpena.
EITBk lehen aurkezpen komertziala egin zuen Bartzelonan, Jose Mari Bakerok, Txiki Begiristainek, Karlos Arguiñanok eta Pedro Subijanak babestuta.
EITB izan zen kalitate-ziurtagiria lortu zuen lehen komunikazio-taldea.
Arrakasta handia izan zuen Betizu Jaiaren lehen edizioak, eta 30.000 pertsona baino gehiago bildu ziren bertan.
EITB Taldeak bost zuzendari nagusiak bildu zituen Rosa Díez Urrestarazuk idatzitako 20. urteurreneko liburuaren aurkezpenean.
Euskadi Irratia berritu egin zen, eta “Faktoria” eta “Hiru Erregeen Mahaia” programak estreinatu ziren, besteak beste.
“Barre Busa” eta “Altza Porru!” programak egin ostean, Txirri, Mirri eta Txiribiton pailazoek etapa berri bati ekin zioten “Trikitraka Trikitron” saioarekin.
Radio Euskadik bere historiaren bi hamarkadak ospatu zituen Bilboko Carlton Hotelean, eta profesionalak, kolaboratzaileak eta herritarrak bildu ziren bertan.
“Martin” estreinatu zen, ETB1en zazpi denboralditan emititu zen umore-telesaila.
Radio Euskadik, EITB osoaren lankidetzarekin, Nunca Mais Plataforma babesteko kontzertu bat antolatu zuen Prestigeren hondamendi ekologikoaren ostean dirua bildu eta herritarrak sentsibilizatzeko.
BBCren “Deep Blue-Planeta Urdina” telesailaren bertsio zinematografikoan parte hartu zuen EITBk.
“Vaya Semanita” umorezko saioa estreinatu zen, EITBren erreferentziazko marka bilakatuko zena.
Dorre Bikien erasoaren lehen urteurreneko albistegi bereziaren promozio-kanpainak saria jaso zuen.
Radio Euskadik Cocidito madrileño liburua argitaratu zuen, “Más Que Palabras” programaren umore-sekzio arrakastatsuan oinarrituta. Antzerkira ere eraman zen.
EITBk kalitatearen Zilarrezko Q-a lortu zuen, eta bi urte geroago Urrezko Q-a lortu zuen. Horrela, sari horiek lortu zituen Europako lehen komunikazio-taldea izan zen.
Albiste-kanal berria sortu zen Interneteko plataforman: eitb24.com.
Radio Euskadiren “Levando Anclas” bidaia-programak antenan egindako 20. urteurrena ospatu zuen Bilboko Itsas Museotik egindako programa berezi batekin eta liburu bat argitaratuz.
“Esta Es Mi Gente” saioak milagarren emanaldia ospatu zuen programa berezi batekin, eta sei denboraldietako unerik onenak gogoratu zituzten bertan.
Martxan jarri zen “El Conquistador el Fin del Mundo” programaren lehenengo edizioa, eta Eneko Van Horenbeke izan zen irabazlea.
Urte osoan zehar, 70. urteurrena ospatu zuten Radio Vitoriako profesionalek, eta ekitaldi sozial eta kulturalak antolatu zituzten horretarako.
Euskadi Gazteak 15 urte bete zituen webgune interaktibo berri batekin (egaztea.com) eta ‘‘15 urte zuzenean’’ abestiarekin, Garik sortua.
Martxan jarri zen Forum Radio Euskadi ekimena, gizarte-intereseko gaietan sakontzeko asmoz.
Euskalmetek eta EITBk hitzarmen bat sinatu zuten Taldeko komunikabideen bitartez informazio meteorologikoa bultzatzeko.
Martin Berasategui, Pedro Subijana, Hilario Arbeltaitz eta Juan Mari Arzak sukaldariek agerralditxoa egin zuten “Goenkale” telesailaren kapitulu batean.
EITBren, IBAIAren eta EPEren arteko hitzarmena, Euskadin zine-ekoizpena bultzatzeko. Hitzarmen horren esparruan aurkeztu zen Aupa Etxebeste!, Goya Sarietan izendatua.
“Vaya Semanita” programak, 3. denboraldiaren promoziorako, iragarki ikusgarri bat grabatu zuen Michael Jacson abeslariaren ‘‘Thriller’’ bideoklip beldurgarrian oinarrituta.
EITB Taldearen Bilboko egoitza berria aurkezteko ekitaldi sinboliko bat antolatu zen.
EITB Maratoiak desgaitasun intelektuala zuten pertsonengan jarri zuen arreta, eta jasotako laguntza ekonomikoak aurreko bost edizioetako zenbatekoa gainditu zuen.
ETBk Olentzeroren etorreraren emankizuna antolatu zuen Mungiako udalerritik. Bertan dago Olentzeroren museo-etxea 2006. urtetik.
“Balbemendi” telesaila grabatu zen Artikutzako natura-parkean.
Betizu Klubak arrakasta handiz berriztatu zuen webgunea, eta jaia antolatu zuen Bilboko Casilda Iturrizar parkean.
EITBk euskarazko zinemaren aldeko apustuarekin jarraitu zuen, eta martxan jarri ziren Kutxidazu bidea, Ixabel filma grabatzeko lanak. Oso arrakastatsua izan zen.
Albistegietako aurkezleen promozio-bideoa, taldearen indarra erakusteko.
Euskadi Irratia eta Radio Euskadi irratiek irudi-kanpaina berriak aurkeztu zituzten.
EITB 1982-2007. Hegaldi-kronika liburua aurkeztu zuen EITBk, komunikazio taldearen bilakaeraren mugarri nagusiekin.
20. urteurrenarekin batera, Miramongo egoitza handitu zen, eta 1.200 m²-ko plato berri bat gehitu.
EITBk 25 urte bete zituen EITBren Bilboko egoitza berria inauguratu zenean eta, horrela, DIGIBat proiektua burutu zen.
CIRCOMek, Europako Telebista Publikoen Elkarteak, 25. urteurrena ospatu zuen Bilbon, eta EITBren egoitza digital berria bisitatu zuen.
Radio Euskadik Kale Nagusia utzi, eta Basurtuko Kaputxinoen kaleko egoitza berritik emititu zuen lehen aldiz “Boulevard” programa.
“Gaur Egun” eta “Teleberri” albistegiek plato multimedia berriak estreinatu zituzten Bilbon, bai eta erredakzio handi bat ere , Taldeko irratietako eta Interneteko profesionalekin partekatzen dutena.
Gazteak irudiari bultzada berria emateko prozesua egin zuen urte osoan zehar. Ekimenen artean nabarmentzekoa, Bilboko Izozaki Dorretan egin zen Gaztea The Singles diskoaren aurkezpena, Amaia Montero eta Mikel Erentxunekin.
“Sautrela” literatura-programak 200. emanaldia ospatu zuen Tabakaleran, literaturaren etorkizunari buruzko topaketa batean.
Donostiako portuan “Noaoa!” umore-programa berriaren aurkezpena egin zen.
Pou anaiek “Antártida EITB 2007” proiektua aurkeztu zuten EITBren Bilboko egoitzan.
Radio Euskadik, 25. urteurrena ospatzeko, Gu Gira diskoa argitaratu zuen, azken hamarkadetako euskarazko abestirik onenak bilduta. Irratien erakusketa bat ere egin zen.
Ospakizun-ekitaldiak amaitzeko, world kafe jendetsu bat antolatu zen, irratsaioko profesional eta kolaboratzaileak entzuleekin bildu zitezen Guggenheimeko zabaldian.
“Pásalo” programa 1.000. emanaldira iritsi zen Euskadiko erreferente izaten eta, ospatzeko, familia osoa bildu zuen BECen egindako jai batean.
Go!azen film musikala grabatu eta aurkeztu zen. Apaizek zuzedutako barnetegi zorrotz batean girotuta, neska-mutil batzuen abenturak kontatzen zituen.
eitb.com webgune berria aurkeztu zen. Formatua zeharo berriztatu zen Taldearen ikus-entzunezko eduki guztiak biltzeko eta, horrekin batera, erabiltzaileen parte-hartzea eta konexioa errazteko.
Milaka pertsonak egoitza berria ezagutu zuten Izan EITB ate irekiko egunari esker, eta Josselin funanbulistaren ikuskizunaz gozatu ahal izan zuten.
ETB3 telebista-kanala jarri zen martxan, gazteentzako euskarazko programazio berria eskaintzeko.
EITBk esku-pilotaren historia bizi guztia bildu zuen Donostiako Atano III. Pilotalekuan, kirol horren lehen telebista-emankizunaren 25 urte bete zirenean.
Carlos Peñak Bilboko itsasadarrean 24 orduz egin zuen igeri EITB Maratoiaren alde. Urte hartan, gaixotasun mentalei eskaini zitzaien.
Urtero bezala, urteko kirolaririk onena saritu zuen Euskadi Irratiak. Urte horretan, Leire Olaberria txirrindulariaren ibilbide nabarmena saritu zen.
Gu Gira kontzertua egin zen Kursaal Jauregian, Niko Etxart, Gorka Knörr, Gontzal Mendibil, Urko, Antton Valverde, Txomin & Hurbil Artola eta Iñaki Eizmendi artistekin.
EITBk ekoitzitako Sukalde Maisuak telesail dokumentalaren protagonistetako batzuekin egindako solasaldia antolatu zen Multibox aretoan.
Alberto Surio izendatu zuten EITBko zuzendari nagusi.
EITB izan zen Gasteizko Irrati eta Telebista Jaialdiaren anfitrioia, Estatuko telebistentzako hitzordurik garrantzitsuenetako bat.
ETBk lehen aldiz eskaini zituen Txapeldunen Ligako partidak.
Radio Vitoriak, 75. urteurrena ospatzeko, funanbulista baten ikuskizuna antolatu zuen Zeledonen ibilbide berean.
Etxeko txikiek Olentzero bisitatu zuten EITBren Bilboko egoitzan.
ETBk kontinuitate eta dekoratu berriak estreinatu zituen albistegietan, hurbileko irudi moderno batekin.
Radio Euskadik ate irekiko egun bat antolatu zuen entzuleentzat.
EITBren irratirik gazteenak bi hamarkada bete zituen, eta posta-txartel bat editatu zuen ospatzeko.
20. urteurreneko ospakizunetan, Lovin Gaztea diskoa kaleratu zuen. Bertan, Hertzainak taldearen Aitormena bertsionatu zen We Are Standard taldearen eskutik.
Miramongo platoetako batean, Euskadi Irratiak antolatutako emakumeen Trindoor Txapelketaren finala hartu zen.
“Goenkale” 3.000 kapitulura iritsi zen hamaseigarren denboraldian, eta lantaldeko eta antzezle-zerrendako kide gehienak bildu zituen Multibox aretoan.
Amerikako gailurrik altuenera iristea izan zen “El Conquistador del Aconcagua” reality berriaren helburua.
EITBk hurbileko informazioaren aldeko apustua egin zuen “Euskadi Directo” programarekin. Egunero bi edizio izaten zituen aste barruan, eta asteburuan edizio bat.
EITB Maratoiak bularreko minbiziari aurre egiteko diru-bilketa antolatu zuen, besteak beste, herri-lasterketa baten bidez eta BOSen kontzertu baten bidez.
“Finlandia” umore-saioko taldeak autobus batean grabatu zuen programaren promozioa Bilbon, The Beatles taldearen karakterizazioarekin.
EITB Nahieran plataforma multimedia berria abiarazi zen, internauten esku jartzeko EITBren edukirik garrantzitsuenak edozein lekutan eta edozein unetan.
Hiru3 aurkeztu zen, euskarazko gazte-komunitate digitalik handiena. EITBren haurrentzako eduki guztiak barne biltzen zituen ETB3n eta eitb.com-en.
Andoni Agirregomezkortak (“Vaya Semanita” ) eta Iñaki Lopezek (“Conquis”) piragua-desafio batean parte hartu zuten Kontxako badian.
David de Jorgek munduko hanburgesarik handiena prestatu zuen Bilboko Areatzan, eta 4.000 errazio inguru banatu ziren.
ETBK Sat sortu zen, kirolaren erakusleiho handia, LTDaren bidez Euskadirako emititzen zuena.
Arrakasta handia izan zuten Euskadi Irratiak 30. urteurrenaren barruan antolatu zituen Baionatik Bilbora eta Baionatik Donostiara kontzertuek.
Programazio berezia EITBn, Gernikako bonbardaketaren 75. urteurrena oroitzeko, “Gernika bajo las bombas” mini-telesaila barne.
Radio Vitoriako “El Madrugador” saioa pregoilaria izan zen San Prudentzio eta Estibalizko Andre Mariaren jaietan.
eitb.com-ek telefono mugikor eta tabletetarako aplikazio berriak aurkeztu zituen, era guztietako ekitaldiak zuzenean ikusteko.
EITBk hitzarmena sinatu zuen IBAIArekin eta EPErekin, euskal ikus-entzunezko ekoizpen independentea babesteko.
Irailean, EITBk 30. urteurrena ospatu zuen omenaldi-ekitaldi jendetsu batean EITBren Bilboko egoitzan.
Izan heroi egun batez lelopean, EITB Maratoiak 675.000 eurotik gora batu zituen haurren minbiziaren aurkako informazio eta sentsibilizazio kanpainan.
Maite Iturbe EITBko zuzendari nagusi izendatu zuten, eta beraren zuzendaritzak 2013-2016 plan estrategikoa onartu zuen.
ETBk ‘Eskerrik Asko, Petrov’ serie dokumentala eman zuen. Hiru hamarkadako bidaia historiko bat zen Euskal Herrian eta munduan barrena.
David de Jorgek telebistan egindako 600 emanaldiak ospatu zituen Bilbon SEAT 600 karabana bat eginez.
Radio Vitoriak ‘‘Carlos Perez Uralde’’ irrati-antzerki lehiaketa antolatu zuen Gasteizko Udalarekin eta Nazioarteko Antzerki Jaialdiarekin batera.
Gaztea: musika eta entretenimendurako erreferentea entzule gazteen artean.
“Airean” estreinatu zen, ETB1ek barne produkzioaren alde egindako apustu garrantzitsuenetakoa, zuzenean emateko, arratsaldero, Miramonetik.
Lankidetza akordioa sinatu zuten EITBk eta TOKIKOMek, euskarazko tokiko komunikabideen elkarteak, euskal komunikazio-eremua garatu eta indartzeko asmoz.
“Kontrako Eztarria” umore-albistegia ETBn lehorreratu zen ‘A Taldea’ mitikoa emulatuz.
“Tribuaren Berbak” saioak harrera ona eta aitorpenak jaso zituen. Programan, modu entretenigarri eta arinean azaltzen ziren euskararen alderdirik deigarri, interesgarri eta ezezagunenak.
Radio Vitoriak hainbat ekintza eraman zituen aurrera 80. urteurrena ospatzeko, tartean Kaleidoskopioa, musika, dantza, argi eta soinu ikuskizuna.
25 urte bete ziren Bertsolari Elkartea eta EITB “Hitzetik Hortzera” saioa lankidetzan egiten hasi zirenetik.
“La Noche de…” saioa, 1.000. emanaldiarekin, Estatuan ordutegi nagusian denbora gehien zeraman telebista saioa izatera iritsi zen.
EITBk Ocho apellidos vascos filmean parte hartu zuen. Film hori urteko fenomeno zinematografikoa izan zen.
“Robin Food” saioak Bokatonada ekimena gauzatu zuen Bilbon, txikien artean merienda sustatzeko.
EITBk tirolina handi bat jarri zuen Gasteizko Andre Maria Zuriaren plazan, udazkeneko programazioa aurkezteko FesTVal jaialdian.
Euskadi Irratiak Loreak filmaren aurrestreinaldira gonbidatu zituen bere entzuleak Bilboko Alondegian.
Hiru3 komunitateak urtean zehar egindako jarduerak biltzen zituen aldizkari digitala estreinatu zuen. 2014an, besteak beste, Stand by me Doraemon filmaren aurrestreinaldia antolatu zuen.
Euskararen Nazioarteko Egunean jaialdi bat egin zen Multibox aretoan .eus domeinuko 1.192 izenak aktibatzeko, tartean EITBren weba.
Gazteak, 25. urteurrena ospatzeko, besteak beste, telebista-gala berezi bat egin zuen, eta Euskal Herri osoan hainbat kontzertu eskaini zituen.
“Eguraldia” saioak Eguraldiklik atalaren 10. urteurrena ospatu zuen, erabiltzaileen argazkien erakusketa batekin.
ETBk Euskal Herriko 20 tokitan baino gehiagotan grabatu zuen “Aitaren Etxea” telesaila, besteak beste Zestoako Arozena hotel zaharrean, Legazpiko Lenbur Fundazioan eta Hondarribiko kaleetan.
Euskadi Irratiak desafio bat bota zuen Azketatik Erlora igotzeko, eta dozenaka mendizale animatu ziren.
EITBk Pello Sarasolari eman zion FesTVal jaialdiko bere saria, hilondoan, ETBren proiektuari egindako ekarpena eta emandako laguntasuna aitortzeko.
EITBk beste behin babestu zuen Segurako Euskal Herriko dantza txapelketa.
Ikara dezagun beldurra lelopean, EITB Maratoiak gaixotasun arraroak jasaten dituzten pertsonen errealitatearen berri eman zuen.
“Goenkale” telesailak agur esan zuen, 21 urtez 3.707 kapitulu grabatu eta 1.854 orduz aritu ostean.
ETBk Tabakaleratik eman zion ongi etorria urteari, Donostia kultura hiriburua (DSS2016) sustatzeko.
Euskadi Irratiaren “Faktoria” saioaren edizio berezia DSS2016ren egoitzatik, kultura hiriburuaren inaugurazioa ospatzeko.
Euskal diasporako pertsonek Euskal Herriko arbasoak aurkitu zituzten “Origen” programari esker. Protagonistetako bat Juan Martín Guevara izan zen, Che Guevara komandantearen anaia txikia.
La historia de Radio Euskadi. Guerra, resistencia, exilio, democracia, liburua aurkeztu zen, beraren historiaren berrikuspena egiteko 1936ko gerran Radio Euzkadi jaio zenetik aro digitaleko gaur egungo EITBra arte.
Radio Vitoriaren programa berezia, Baskoniako plantillak eta jarraitzaileek Berlineko Lauko Finalera bidaiatu baino lehen.
EITBk Zeu Zara EITB kanpaina abiarazi zuen, euskal udalerri nagusien garapenean egindako ekarpenagatik nabarmendu diren pertsona, erakunde eta ekimenak aitortzeko.
ETBk bost dokumental ekoitzi zituen José Antonio Agirre lehendakariari buruz Eusko Jaurlaritzaren 80. urteurrena ospatzeko ekitaldien barruan.
“Go!azen” telesaila berriz jarri zen martxan, zortzi urteren ostean, istorio eta aktore berriekin.
Paco Etxeberria antropologo forentse ospetsuak eta Dani Álvarez kazetariak gure historiako krimenik beldurgarrienak sorberritu zituzten “El Lector de Huesos” saioan.
ETBk plato handi bat eraiki zuen Bilboko albistegi-erredakzioan, bertan hauteskunde autonomikoen gauaren jarraipena egiteko.
EITBk Interneten daramatzan 20 urteak ospatu zituen 20 urte ez da ezer kanpainarekin.
Desafioa “El Conquistador” saioko irabazleen eta saioko lau jarraitzaileren artean, 13. denboraldia aurkezteko.
EITBk kontzientziazio-kanpaina bat eraman zuen aurrera eskola-jazarpenaren eta sexu-erasoen aurka.
EITBk, komunikabide euskaldunekin lankidetzan, zuzenean eman zuen Korrikaren irteeraren eta helmugaren berri. Bilbotik pasatzean kilometro bat ere egin zuen.
“Ganbara” saioak 30. urteurrena ospatu zuen analisi politikorako topagune gisa Kafe Antzokian egindako festa handi batekin.
Olatu dantza ikusgarria izan zen EITBk Donostiako Banderako emakumeen estropaden jarraipena egitean.
Estreinaldiaren aurreko egunetan, “Go!azen” telesailaren aplikazioa aurkeztu zen, transmedia proiektu zabalago baten barruan. Gainera, 400 ikaslek interpretatu zuten telesailaren abestia Bilbon.
Euskadi Irratiko entzuleek Handia filmaren aurrestreinaldiaz gozatu zuten EITBren Bilboko egoitzaren Multibox aretoan.
Radio Euskadiren “Pompas de Papel” saioak 30. urteurrena ospatu zuen Kafe Antzokian idazleekin, entzuleekin eta literaturazaleekin batera.
Olentzerok eta Mari Domingik EITBren ikus-entzuleei Gabon zoriontsuak eskaini zizkieten WhatsAppen bidez.
“El Conquis” saioak 16 metro altuko sare batean eskalatzera gonbidatu zituen bere jarraitzaileak Bilboko Areatzako fatxada batean.
EITBk inFORMAZIOA kanpaina abiarazi zuen albiste faltsuen aurka. EITBko komunikatzaileak irakasle bihurtu ziren, albiste faltsuak eta egiazkoak bereizten irakasteko.
“Atrápame Si Puedes” saioaren 1.000 emanaldi
“Ur Handitan” saioaren harrera bikaina, euskal gizartearen kezka-iturri diren gaiei buruzko ikuspegi hurbil eta orokorra emanez.
Izan EITB Jaia ospatu zen Donostian. 12 orduko festa, etenik gabe, haur eta gazteen gozamenerako.
EITBren komunikabideek Durangoko Azokaren 54. edizioan parte hartu zuten, bete-betean. Horretarako, EITB Gunea espazio propioa jarri zuten eta, bertatik, azokaren edukiak eta berrikuntzak aurkeztu zituzten.
Urtero bezala, euskal gizarteko aurpegi ezagunek elkarrekin abestu zuten Gabonetako ‘‘Herri Txiki Kantari’’ saio berezian, Mungiatik.
“Bago!az” talent show-ak hirugarren denboraldia estreinatu zuen El gran showman filmaren estiloan.
Radio Euskadik Irratiaren Mundu Eguna ospatu zuen bere entzuleekin Bilboko Kale Nagusitik.
FORTAk, Irrati-Telebista Erakunde Autonomikoen Federazioak, 30. urteurrena ospatu zuen Chillida Lekun, EITB anfitrioi zela.
“Go!azen 6.0”ren estreinaldiarekin batera, Jasone Osorok idatzitako lehen liburuak argitaratu ziren.
EITB Jaiak 12.000 pertsona baino gehiago batu zituen Barakaldoko BECen, 14 orduz jarraian luzatu zen festa arrakastatsu batean.
Euskal Kantak irrati-kanal berria jarri zen martxan, musika euskalduna entzuteko, soilik Interneten bidez.
Gernikako Estatutuaren 40. urtemuga ospatzeko ekitaldi instituzionala eta 40 taupada, herri bat dokumentalaren aurkezpena egin ziren EITBn.
50.000 ahotsek baino gehiagok abestu zuten “Lau teilatu” Euskal Herriko txoko guztietatik EITB Maratoiaren alde. Hala, milioi bat eurotik gorako diru-bilketa historikoa lortu zen haurren minbizia ikertzeko.
Beste behin, EITBk zuzenean eman zituen Gabon Zaharretako kanpaiak; kasu honetan, Izabatik.
EITB taldeko irratiek kalean ospatu zuten Irratiaren Mundu Eguna
Pandemiak, EITBren komunikabideen lan egiteko modua aldatzeaz gain, arreta berezia ipinarazi zuen zerbitzu publikoaren izaeran. Taldeak ahalegin handia egin zuen informazioa eta entretenimendua bermatzeko.
ETB1ek “Plazandreak” saioa aurkeztu zuen, emakumeen pilota ezagutzera emateko txapelketa.
Gazteak 30. urteurrena ospatu zuen Gure kontu lelopean, Gaztea 30-30-30 kontzertuekin eta Gaztea Sariak berreskuratuz.
Pandemiaren ondorioz kulturaren eremua nahitaez gelditu behar izan zenez, EITBk onlineko leiho bat zabaldu zion zuzeneko musikari Kulturunea ekimenaren bidez eta Euskadiko Orkestraren hainbat bideoklip eta kontzertu eskainiz.
“La Noche De…” saioak 25 urte bete zituen, eta Zinemaldiko Euskal Zinemaren Galan omenaldia jaso zuen.
ETB1ek “Biba Zuek!” magazina estreinatu zuen, zuzenean, arratsaldero, astelehenetik ostiralera.
EITB herri-erakundeak eta EITB Media SAUk osatu zuten komunikazio-taldearen egitura berria. Aldaketaren helburua zen kudeaketaren eraginkortasuna hobetzea eta ingurune digitalera egokitzea.
Urte berezia izan arren, gizarteak eskuzabaltasunez eta berotasunez hartu zuen EITB Maratoiaren deialdia, eta 800.000 eurotik gora eman zituen covida ikertzeko.
20 taldetako 46 musikari bildu ziren BECeko Bizkaia Arenan, EITBren “Bidegurutzean” saio berria aurkezteko.
Athleticen eta Realaren arteko Koparen final historikoa zuzenean eman, eta jarraipen berezia egin zen EITBren komunikabideetan.
EITB Podkast plataforma sortu zen, komunikabideen erabileran igartzen ziren joera sozial berriei erantzuteko eta euskarazko podcastgintzan erreferente bihurtzeko asmoz.
Kalea bizi/Vive la calle lelopean, EITBk udazkeneko programazioa aurkeztu zuen Gasteizko Andre Maria Zuriaren plazan, FesTVal jaialdian.
Gazteak Maketa Lehiaketaren 30. edizioa ospatu zuen. Horretarako, lehen edizioa irabazi zuen “EH Sukarra” abestiaren bertsioa grabatu zuen, Nögenekin batera.
EITBko albistegien denboraldi berria aurkeztu zen Bilboko “Teleberri”ren plato berrian.
EITB kalera irten zen BIZI EITB ekimenaren bidez. Taldeko marka eta programa nagusiek publiko orokorrari zabaldutako jarduera-eskaintza zabala partekatu zuten, Euskadiko hiru lurraldeetan banatuta.
EITBk klima-larrialdiaren aurrean jardutera animatu zuen euskal gizartea #EKIN_klima kanpainaren bidez.
Ikus-entzunezkoen egoera berriari aurre egiteko EITBren jarduera-ildo orokorrak eta proiektu zehatzak biltzen zituen 2030 Estrategia dokumentua aurkeztu zen.
