#-contrato_programa-#
Eusko Jaurlaritza eta EITB Taldearen arteko akordioa
Egun, EiTBk 2007-2010 Programa kontratua du indarrean. Eusko Jaurlaritzak EiTBrekin duen hitzarmena da. Bertan, bi alderdiek hartutako konpromisoak ezartzen dira.
Programa kontratuak EiTBri esleitutako zerbitzu publikoaren zeregina zehazten du, baita horretarako emandako finantzaketa ezartzen ere, Europar Batasunak zehaztutako ildoak jarraituta.
Zerbitzu publikoaren helburu nagusiak honako hauek dira:
- Kanal orokorrak eta gaikakoak ekoiztea, bien artean oreka gordeta. Programazioa zabala eta sinesgarria izan beharko da, komunikazio sistema osorako adibidezko azpisistema gisa funtzionatuta.
- Nazioarteko emisioak eskaintzea, euskal kultura eta errealitatea zabaltzeko, atzerrian bizi direnei arreta berezi jarrita.
- Arlo publikoari arreta jartzea: herrialdeko erakundeen eta legebiltzarraren jarduerari, herritarren hezkuntzari, gizarteko arazoei, gizarteko zerbitzuei, etab.
- Euskararen presentzia areagotzen laguntzea, komunikabideen eskaintza orokorrean.
- Euskal zinema eta ikus-entzunezko ekoizpena bultzatzea.
- Euskal ikus-entzuneko sektorea indartzen laguntzea, sektore ekonomiko estrategiko gisa.
- Aurrerapen teknologikoan parte hartzea, informazioaren gizartea bultzatuta.
EiTBren eta bere sozietateen finantza-araubidea mistoa da. Programa kontratuak diru ekarpen publikoaren zenbatekoa finkatzen du, eta balantze ekonomikoek defizitik edo zorrik ez sortzera behartzen.
Berezko finantzaketa publizitate salmentak sortutako diru-sarreren eta bestelakoen menpe dago. Beraz, urteko ustiapen aurrekontua finantzaketa misto horren arabera ezartzen da, gastua diru-sarrera baino handiagoa ez izatearen baldintzarekin.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa