Azkena Rock

Jaialdia

Baieztatuta: The Who taldea Azkena Rock jaialdian arituko da

LUZIA ZUGADI | EITB.EUS

Orain arteko zurrumurruak isilduz, baieztapen ofiziala eman du gaur Las Tour Internationek. The Who Mendizabalan izango da ekainaren 18an.

  • The who

    The who

Sare sozialetan soka luzea ekarri duen gaia izan da azken egunetan: The Who taldeak ustez Azkena Rock Festival jaialdian eman behar zuen kontzertuak baieztapen ofiziala du jada. Antolatzaileek gaur iragarri dutenez, Mendizabalan izango dira britainiarrak ekainaren 18an.

XX. mendeko rock musikaren ikono den The Who taldea 1962an jaio zen, The Detours izenarekin. Nolanahi dela, Keith Moon bateria-jotzailea taldean sartu zenean, The Who izena hartu zuten. Modu horretan, Roger Daltrey, Pete Townshend, John Entwistle eta Keith Moon artistekin osatutako laukoteak arrakastaz jositako musika ibilbide oparo bati ekin zion. Harrezkero, mundu osoko musika zerrendetako lehen postuetan egotea lortu dute, baita sari ugari jasotzea ere.

Taldea jaio eta denbora gutxira, energiaz betetako zuzeneko emanaldiak eskaintzeagatik egin ziren ezagun, eta urteen joan etorrian 100 milioi diskotik gora saltzea lortu dute.

Orain arteko iragarpenak

Primal Scream

Lucinda Williams

Gutterdammerung feat. Henry Rollins

Blackberry Smoke

Vintage Trouble

Refused

Radio Birdman

Supersuckers

091

Marky Ramone's

Blitzkrieg

The Coup

Daniel Romano

Buffalo Killers

Luke Winslow-King

The London Souls

Jared James Nichols

Cobra

Raveneye

The Flying Scarecrow

Sarrerak

Bi eguneko bonua 76 euroan dago eskuragarri. Kanpalekura joan nahi dutenek 10 euro gehiago ordaindu beharko dituzte.