Azkena Rock
Ekainean, Gasteizen
Danzig taldea Azkena Rock Festival jaialdian arituko da
LUZIA ZUGADI | EITB.EUS
Europan aurten emango duen kontzertu bakarra izango da Gasteizkoa. Ekainaren 17an eta 18an egingo dute Azkena Rock, Mendizabalan.
-
Danzig azkena
The Whoren iragarpenetik ordu gutxi igaro direnean, Azkena Rock Festival jaialdiak Danzig taldearen emanaldia gehitu dio aurtengo egitarauari. Aipatzekoa da Europan 2016an emango duen zuzeneko bakarra izango dela Arabako hiriburukoa. Oraindik zehaztu gabe dago, ordea, emanaldia ekainaren 17an ala 18an izango den.
1987an sortu zuen Danzig taldea Glenn Danzig abeslariak, The Misfits taldea utzi zuenean. Betidanik izan dute oinarri heavy metala eta hard rock musika, baina aurreneko diskoetako abestiek blues ukituak ere badituzte.
Iazko azaroan argitaratu zuten azken diskoa: Skeletons. Horrekin, hamar dira guztira taldeak kaleratutako estudioko lanak. Besteak beste, Elvis Presleyren, Aerosmithen, Black Sabbathen eta ZZ Topen kantuak moldatu zituzten Skeletons proiektuan.
Orain arteko iragarpenak
Primal Scream
Lucinda Williams
Gutterdammerung feat. Henry RollinsEuropan
Blackberry Smoke
Vintage Trouble
Refused
Radio Birdman
Supersuckers
091
Marky Ramone's
Blitzkrieg
The Coup
Daniel Romano
Buffalo Killers
Luke Winslow-King
The London Souls
Jared James Nichols
Cobra
Raveneye
The Flying Scarecrow
Sarrerak
Bi eguneko bonua 76 euroan dago eskuragarri. Kanpalekura joan nahi dutenek 10 euro gehiago ordaindu beharko dituzte.
