Azkena Rock
Ekainaren 23an eta 24an
Union Carbide Productions taldea Azkena Rock jaialdian arituko da
ERREDAKZIOA | EITB.EUS
Gasteizen 2017ko ekainean emango duten kontzerturako elkartuko da berriro aipatu taldea. Aurreikusitakoaren arabera, ez dute beste emanaldirik eskainiko.
-
Union Carbide Productions
Union Carbide Productions suediarrak Azkena Rock Festival jaialdian izango dira ekainean. 80ko eta 90eko hamarkadetan askorentzat rock talde onena izandakoak berriro elkartzeko erabakia hartu du, helburu bakar batekin: Azkena Rock Festival jaialdian aritzea.
Garai hartan Kurt Cobainen eta Sonic Youthen talde gustukoenetako bat izan zen, In the Air Tonight estreinako diskoak arrakastaren bidera eraman zituenean.
Denborarekin, baina, banantzea erabaki zuten. Hala, 1993ko banaketaren ostean, Ebbot Lundbergek, Ian Personek eta Bjorn Olssonek The Soundtrack of Our Lives taldea sortu zuten. Nolanahi dela, Union Carbide Productions taldearen hastapenetako partaideak egongo dira Azkena Rock Festival jaialdian.
Egitaraua
Ekainak 23 eta 24, Mendizabala
Cheap Trick
Union Carbide Productions
Inglorious
Crank County Daredevils
Sarrerak
Bi eguneko bonua 75 euroan dago salgai.