Bilbao BBK Livek formatu handiko jaialdi onenaren saria irabazi du

Bart egin dute Bilbon Fest Sarien laugarren edizioa eta Bilbao BBK Livek irabazi du jaialdi handi onenaren saria. Horrez gain, beste hiru sari ere eskuratu ditu: jaialdi jasangarriarena, teknologikoenarena eta kanpaleku onenarena.

Sari banaketa ekitaldian, Gay Mercader promotoreak ohorezkoa saria irabazi du musikaren industrian egindako ibilbide luzearengatik. Ebrovision jaialdiak bereganatu du tamaina erdiko jaialdi onenaren saria eta Noches del Botanicok, ostera, tamaina txikiko jaialdi onenarena.

O Son Do Camiñok lortu du errebelazio saria.

PortAmerica jaialdia bi alorretan nabarmendu da: sukaldaritzan eta komunikazioan.

Bestalde, Los Planetas eta Imagine Dragons taldeak saritu dituzte, hurrenez hurren, Espainiako eta nazioarteko zuzeneko onenaren ataletan.